မိူဝ်ႈဝႃးဝၼ်းတီႈ 9 ၸဝ်ႈၶုၼ်ၾိလိပ်ႉ ဢႃယု 99 ပီ ၸဝ်ႈၽူဝ် ၼၢင်းႁေႃၶမ်းဢႄႊလိသပႅတ်ႉ မိူင်းဢိင်းၵလဵတ်ႈ
လူႉသဵင်ႈၼွၼ်းၽေးလပ်ႉလွႆငိုၼ်းလွႆၶမ်းၵႂႃႇလူၺ်ႈတၢင်းပဵၼ်ၵူၼ်းထဝ်ႈ၊ တီႈႁူင်းႁေႃ ဝိၼ်ႊသေႃႊ
တီႈႁေႃၶမ်းလူင် ပႅၵ်ႉၶိမ်ႊႁႅမ်ႊမိူင်းဢိင်းၵလဵတ်ႈ။
မၼ်းၸဝ်ႈၼႆႉ ပဵၼ်ၸဝ်ႈၽူဝ်ၼၢင်းႁေႃၶမ်းသေတႃႉ လႆႈပဵၼ်ၶုၼ်ၵိၼ်မိူင်း(မဵဝ်ႉၸႃး)မိူင်းဢီႊတိၼ်ႊပႃႊရႃႊ။
ႁေႃၶမ်းလူင်ပႅၵ်ႉၶိမ်ႊႁႅမ်ႊ ပိုၼ်ၽၢဝ်ႇမိူဝ်ႈဝႃးဝၼ်းတီႈ 9/4/2021 ဝႃႈ – ၸဝ်ႈၾိလိပ်ႉ ၸဝ်ႈၽူဝ်ၼၢင်းႁေႃၶမ်း
ၼွၼ်းၽေးၵႂႃႇယဝ်ႉလႄႈ လႆႈမွင်ႈၸႂ်ၸွမ်းၸဝ်ႈၼၢင်းႁေႃၶမ်းဢႄႊလိသပႅတ်ႉ တႄႉတႄႉယဝ်ႉ- ဝႃႈၼႆ။
ၸဝ်ႈၶုၼ်ၾိလိပ်ႉၼႆႉ ၵူပ်ႉၵူႈသွၼ်ႉမိင်ႈၵၼ်တင်းၸဝ်ႈၼၢင်းဢႄႊလိသပႅတ်ႉ မိူဝ်ႈပီ 1947။ ဝၢႆးလင် ၵူပ်ႉၵူႈၵၼ်ယဝ်ႉ
ၸဝ်ႈၼၢင်းဢႄႊလိသပႅတ်ႉ ၶိုၼ်ႈပဵၼ်ၼၢင်းႁေႃၶမ်း။ ၸဝ်ႈၾိလိပ်ႉၼႆႉ လႆႈပဵၼ် ၸဝ်ႈၽူဝ်ၼၢင်းႁေႃၶမ်း ဢၼ်
ဢႃယုယိုၼ်းယၢဝ်းလႄႈ ႁိုင်ၼၢၼ်းလိူဝ်ပိူၼ်ႈၼႂ်းပိုၼ်း ႁေႃၶမ်းမိူင်းပရိတ်ႉတိတ်ႉသျ်(ဢိင်းၵလဵတ်ႈ)။
ၼၢင်းႁေႃၶမ်းလူင်ဢႄႊလိသပႅတ်ႉလႄႈၸဝ်ႈၶုၼ်ၾိလိပ်ႉၼႆႉ မီးလုၵ်ႈလၢင်းႁူမ်ႈၵၼ် 4 ၵေႃႉ။ မီးလၢၼ် 8 ၵေႃႉလႄႈ
မီးလိၼ် 10 ၵေႃႉ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ