Thursday, March 28, 2024

မၢၵ်ႇတႅၵ်ႇၼႃႈႁိူၼ်း ပျီႇတူႉၸိတ်ႉမဵဝ်ႉမ တီႈမူႇၸေႊ

Must read

ၼႂ်ၼႆႉမိူင်းပႆႇလႅင်း မီးၵူၼ်း ယိုဝ်းၵွင်ႈ၊ ပွႆႇမၢၵ်ႇသႂ်ႇႁိူၼ်းၽူႈၶဝ်ႈၸုမ်းပျီႇတူႉၸိတ်ႉ ၼႂ်းၸႄႈဝဵင်းမူႇၸေႊ ၊ႁိူၼ်းလူႉၵွႆၽွင်ႈ   ၵူၼ်းမၢတ်ႇၸဵပ်းလူႉတၢႆတႄႉ ဢမ်ႇမီး  ။

Photo Credit to Muse Youth- ႁွႆးမၢၵ်ႇတႅၵ်ႇသႂ်ႇႁိူၼ်းပျီႇတုၸိတ်ႉမူႇၸေႊ

မိူဝ်ႈၼႆႉ ဝၼ်းတီႈ 6/1/2021 ယၢမ်းၵၢင်ၼႂ် မွၵ်ႈ 5 မူင်း ၵူၼ်းဢမ်ႇႁူႉၾၢႆႇ ယိုဝ်းၵွင်ႈသႂ်ႇၼႃႈႁိူၼ်းၸုမ်းပျီႇတူႉၸိတ်ႉမဵဝ်ႉမ လင်ၼိုင်ႈ ၼႂ်းဝၢၼ်ႈပၢင်ႇ လူင်ၵဝ်ႇ ပွၵ်ႉၵွင်းမူးတူင်ႈ ၸႄႈဝဵင်းမူႇၸေႊ ၸိုင်ႈတႆးပွတ်းႁွင်ႇ   ။ ဝၢႆးၼၼ်ႉ ပွႆႇမၢၵ်ႇ  သႅၼ်း 40 မမ 3  ထႅင်ႈလုၵ်ႈၼိုင်ႈ၊  ၸၢၵ်ႇမၢၵ်ႇသဵၼ်တိူဝ်ႉသႂ်ႇ မၢၼ်ႇႁိူၼ်းလႆႈလူႉၵွႆ ၽွင်ႈ  ။

- Subscription -

 ထိုင်ၶၢဝ်းယၢမ်းၵၢင်ၼႂ် မွၵ်ႈ 5 မူင်းၶိုင်ႈသမ်ႉ တီႈ ဝၢင်းႁိူၼ်း ပျီႇတူႉၸိတ်ႉပဵင်းသႃႇ တင်း ပျီႇတူႉ ၸိတ်ႉတႃႈမိူင်းငႅၼ်း ဢၼ်မီး  ၼႂ်းၵႄႈမူႇၸေႊ – ၼမ်ႉၶမ်း ၼႂ်းပွၵ်ႉၸွၼ်ႊၸူဝ်ႊ ၸႄႈဝဵင်းမူႇၸေႊၼၼ်ႉၵေႃႈ မီးၵူၼ်း 3 ၵေႃႉ ၶီႇၵႃး Surf    ယိုဝ်းၵွင်ႈသႂ်ႇ မွၵ်ႈ 20 ၵမ်း ၊   ပွႆႇမၢၵ်ႇတႅၵ်ႇ သႅၼ်း 40 မမ 5 လုၵ်ႈ  တိူဝ်ႉၽၵ်းတူဝၢင်း ႁိူၼ်း လူႉၵွႆ  ၊ ၵူၼ်းမၢတ်ႇၸဵပ်းလူႉတၢႆတႄႉ ဢမ်ႇမီး ။

ၸၢႆးႁိၼ်လဵၵ်း ၸုမ်းထုင်ႉႁူၺ်ႈလီႈ မူႇၸေႊ လၢတ်ႈဝႃႈ – “မိူဝ်ႈၼႆႉ ယၢမ်းၵၢင်ၼႂ် ၸဝ်ႉမွၵ်ႈ 5 မူင်းၼႆႉ မီးၵူၼ်းမႃးယိုဝ်းၵွင်ႈ ပွႆႇမၢၵ်ႇသႂ်ႇ တီႈၼႃႈႁိူၼ်းပျီႇၸူႉတိတ်ႉ ပွၵ်ႉၵွင်းမူးတူင်ႈတီႈၼိုင်ႈ။ ယဝ်ႉၵေႃႈတီႈပွၵ်ႉၸွၼ်ႊၸူဝ်ႊတီႈၼိုင်ႈ တေပဵၼ် 2 တီႈၶႃႈ။ လွင်ႈလူႉသုမ်းတႄႉ ၽၵ်းတူႁူဝ်ႉၵွႆ၊ မၢၼ်ႇႁိူၼ်းၵွႆ။ လွင်ႈတုမ်ႉတိူဝ်ႉၵူၼ်းမၢတ်ႇၸဵပ်းလူႉတၢႆတႄႉ ဢမ်ႇမီး ယၢမ်း လဵဝ် ယူႇတီႈၽူႈမီးပုၼ်ႈၽွၼ်းၶဝ် တိုၵ်ႉၵူတ်ႇထတ်းတူၺ်းၵွင်ႈ ထၢႆႇ CCTV ယူႇ”- ဝႃႈၼႆ။

Photo Credit to Muse Youth- ႁွႆးမၢၵ်ႇတႅၵ်ႇသႂ်ႇႁိူၼ်းပျီႇတုၸိတ်ႉမူႇၸေႊ

ဢိင်ၼိူဝ်လွင်ႈပိူင်ပဵၼ်ၼႆႉသေ ယၢမ်းလဵဝ် ယူႇတီႈပလိၵ်ႈၸႄႈဝဵင်းမူႇၸေႊ တိုၵ်ႉၵူတ်ႇထတ်း လွင်ႈတၢင်းမၼ်းဝႆႉယူႇ။   ပဵၼ်ၼမ်ႉမိုဝ်းၽႂ် ၸုမ်းလႂ်မႃးပွႆႇမၢၵ်ႇသႂ်ႇၼႆတေႃႇထိုင်းယၢမ်းလဵဝ်ယင်းပႆႇတီႉလႆႈ။

ၼႂ်းၸႄႈဝဵင်းမူႇၸေႊ ၸိုင်ႈတႆးပွတ်းႁွင်ႇၼႆႉ မီးၸုမ်းယိပ်းၵွင်ႈၵၢင်ႇတူင်ႉၼိုင် ၵႂႃႇမႃးၼမ် မိူၼ်ၼင်ႇ ၸုမ်းပျီႇတူႉၸိတ်ႉ သိုၵ်းလူင်ပွင်ၸိုင်ႈမၢၼ်ႈ ၸုမ်းယိပ်းၵွင်ႈၵၢင်ႇၸၢဝ်းၶိူဝ်း ၸိူဝ်းၼႆႉ။ ပီၵၢႆၼႆႉၵေႃႈ ၵမ်းၵမ်းမီးၵူၼ်းပွႆႇမၢၵ်ႇ၊ ယိုဝ်းသႂ်ႇၸွမ်းၵဵတ်ႉၸွမ်းလၢၼ်ႇလႄႈ ၸွမ်းႁိူၼ်းၵူၼ်းဝၢၼ်ႈၼႂ်းဝဵင်းမူႇၸေႊ ၊ၸိူဝ်းၼႆႉၵေႃႈ ယင်းပႆႇတီႉလႆႈၵူၼ်းႁဵတ်း။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း