Friday, March 29, 2024

သင်ၶ ၵူၼ်းမိူင်းလၢႆးၶႃႈ ၼႂ်းပိုၼ်ႉတီႈ တၢင်ႇထီးၵွင်းမူးႁိၼ်ၼမ်ႉ ၼႂ်းၵႄႈ ၵၢပ်ႈၵႃႇလၶူဝ်ႊဝိတ်ႉ

Must read

သင်ၶ ၵူၼ်းမိူင်း လၢႆးၶႃႈ ဢဝ်လၢႆးၵႅတ်ႇၵင်ႈၵႆယၢၼ် တၢင်းပဵၼ်ၶူဝ်ႊဝိတ်ႉ 19 သေ တၢင်ႇထီးၵွင်းမူးမၢၵ်ႇႁိၼ်ၼမ်ႉ ဢၼ်ၵေႃႇသၢင်ႈတီႈ ၵွင်းလွႆ ဝူင်ႈၵၢင် ဝၢၼ်ႈသၢင်း တၢင်း ဝၢၼ်ႈထီႇ ၼႂ်းၸႄႈဝဵင်းလၢႆးၶႃႈ။

Photo by – ၵွင်းမူးမၢၵ်ႇႁိၼ်ၼမ်ႉ/ သင်ၶၸဝ်ႈ ဢွၼ်ၵၼ်တၢင်ႇထီးထၢတ်ႈ တီႈၵွင်းမူးမၢၵ်ႇႁိၼ်ၼမ်ႉ

ဝၼ်းတီႈ 22/12/2020 ယၢမ်းၵၢင်ၼႂ် 9:15 မူင်း ယူႇတီႈၸုမ်းပွင်ၵၢၼ် ၵွင်းမူးမၢၵ်ႇႁိၼ်ၼမ်ႉ ၸႄႈဝဵင်းလၢႆးၶႃႈ ၸတ်းပၢင် တၢၼ်းတၢင်ႇ ယွတ်ႈၸွမ်/ထီးၶမ်းၵွင်းမူး မၢၵ်ႇႁိၼ်ၼမ်ႉ။ ပဵၼ်ၶၢဝ်းၶူဝ်းဝိတ်ႉ 19 (တၢင်းပဵၼ်ႁႃႈလူင်) ၵၢပ်ႈၵႃႇလႃႉၽႄႈ လႄႈ ဢဝ်လၢႆးၵႅတ်ႇၵင်ႈၵႆယၢၼ်တၢင်းပဵၼ်ၶူဝ်ႊဝိတ်ႉ 19 ၊ သႂ်ႇၽႃႈတူမ်းသူပ်းတူမ်းပၢၵ်ႇၵၼ် လူႇတၢၼ်းယၢတ်ႇၼမ်ႉ။

- Subscription -

ၸဝ်ႈၶူးပၼ်ႇတိတ ၸုမ်းပွင်ၵၢၼ် ၵွင်းမူးမၢၵ်ႇႁိၼ်ၼမ်ႉ လၢတ်ႈဝႃႈ – “ယွၼ်ႉသင်လႄႈ လႆႈၸတ်းႁဵတ်းၶိုၵ်ႉၶၵ်ႉၵႂႃႇၼႆ တေႃႈလဵဝ်ၼႆႉ ပိူၼ်ႈႁၢမ်ႈၵူၼ်းၼမ် ၶွၼ်ႈတုမ်ၵၼ်၊ ပိူၼ်ႈဢမ်ႇပေႃးၶႂ်ႈပၼ်ႁဵတ်းပွႆးလၢမ်း၊ လၢႆၾၢႆႇလၢႆတၢင်းၵေႃႈ ပိူၼ်ႈ ဢမ်ႇပေႃးႁၼ်လီလွင်ႈႁဵတ်းပွႆးလၢမ်းၵေႃႈပိူင်ၼိုင်ႈ။ ၵူၺ်းၵႃႈ ၵွင်းမူးႁဝ်းၶႃႈသမ်ႉ ယဝ်ႉႁိုင်ယဝ်ႉလႄႈ ပေႃးဢမ်ႇတၢင်ႇ ထီးၵေႃႈ ဢမ်ႇၶႅမ်ႉလႅပ်ႈၼႆသေ ၼင်ႇႁိုဝ် ၵူၼ်းၵေႃႈတေဢမ်ႇပေႃးၵိုၼ်းၶွၼ်ႈႁႅင်း ပွႆးတၢင်ႇထီးၼႆႉၵေႃႈ ႁႂ်ႈမၼ်းပဵၼ်ၼႆ သေ ၸင်ႇလႆႈၸတ်းႁဵတ်းၶိုၵ်ႉၶၵ်ႉၵႂႃႇၵူၺ်း”- ဝႃႈၼႆ။

ၵွင်းမူးမၢၵ်ႇႁိၼ်ၼမ်ႉ ယွၼ်းသူးတဵမ်ထူၼ်ႈၼႆႉ တႄႇၵေႃႇသၢင်ႈမႃး မိူဝ်ႈလိူၼ်သၢမ်မူၼ်း ပီၵၢႆသေ ပေႃးထိုင်မႃးလိူၼ် သၢမ်မူၼ်း ပီၼႆႉ တေၶွပ်ႈတဵမ်ၼိုင်ႈပီယဝ်ႉ ဝႃႈၼႆ။

Photo by – ၵွင်းမူးမၢၵ်ႇႁိၼ်ၼမ်ႉ/ သင်ၶၸဝ်ႈ ဢွၼ်ၵၼ်တၢင်ႇထီးထၢတ်ႈ တီႈၵွင်းမူးမၢၵ်ႇႁိၼ်ၼမ်ႉ

ၸဝ်ႈၶူးပၼ်ႇတိတ ဝိႁၢရ်လူင် ဝတ်ႉပၢင်ႇ ၵၢင်ဝဵင်းလၢႆးၶႃႈ လၢတ်ႈဝႃႈ – “ယိူင်းဢၢၼ်းဢၼ်လႆႈၵေႃႇသၢင်ႈႁဵတ်းမႃး ၵွင်းမူးမၢၵ်ႇႁိၼ်ၼမ်ႉၼႆႉ ၼင်ႇႁိုဝ် ဝၢၼ်ႈမိူင်းပေႃးတေၵတ်းယဵၼ် ၼင်ႇႁိုဝ် ထၢတ်ႈၸႂ်ႈၵူၼ်းမိူင်းပေႃးတေၵႅၼ်ႇၶႅင်ၼႆသေ ၸင်ႇလႆႈဢဝ်မၢၵ်ႇႁိၼ်မႃးတႄႇႁဵတ်းၵွင်းမူး” – ဝႃႈၼႆ။

ၵွင်းမူးမၢၵ်ႇႁိၼ်ၼမ်ႉၼႆႉ လႆႈဢဝ်မၢၵ်ႇႁိၼ် မႄႈၼမ်ႉ လၢႆလၢႆတီႈ ဢမ်ႇယွမ်း 20 မႄႈ၊ မိူၼ်ၼင်ႇ ၼမ်ႉၶူင်း၊ ၼမ်ႉပၢင်၊ ၼမ်ႉမၢဝ်း၊ ၼမ်ႉၶွင် ပႃးၸဵမ် ၼမ်ႉၵဵဝ်တူၵ်း ၼမ်ႉၵဵဝ်ႇဢွၵ်ႇ ၼမ်ႉတႃႈလူင် ၸဵမ်ၸိူဝ်းၼႆႉ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း