ၼႂ်းတိုဝ်ႉတၢင်းပီမႂ်ႇတႆး 2115 ၼီႈၼႆႉသေ ၵေႃလိၵ်ႈလၢႆး ဝဵင်းပၢင်လူင် ၸတ်းႁဵတ်း ပၢင်ယွင်ႈယေႃး တွၼ်ႈသူးပၼ် လုၵ်ႈ ႁဵၼ်း ၸိူဝ်းဢွင်ႇပူၼ်ႉၸၼ်ႉသိပ်း ၼႂ်းပီ 2019 – 2020 တင်းမူတ်း 66 ၵေႃႉ ။
ဝၼ်းတီႈ 15/12/2020 ယၢမ်းၵၢင်ၼႂ် ယူႇတီႈၵေႃလိၵ်ႈလၢႆးလႄႈ ၾိင်ႈငႄႈတႆး ဝဵင်းပၢင်လူင် ဢွၼ်ၸတ်းႁဵတ်း လူႇတၢၼ်း သွမ်းသင်ႇၶႃႇၸဝ်ႈ၊ ၶိုၼ်ႈၵျွင်းပီမႂ်ႇ၊ လူႇတၢၼ်းယၢတ်ႇၼမ်ႉ လႄႈ ယွင်ႈယေႃးလုၵ်ႈႁဵၼ်းဢွင်ႇပူၼ်ႉၸၼ်ႉသိပ်း 2019 – 2020 တီႈဝတ်ႉပိတၵၢတ်ႈ ငဝ်ႈငုၼ်းမုၵ်ႉၸုမ်းလူင်သင်ႇၶႃႇၸိုင်ႈတႆး ဝဵင်းပၢင်လူင် ၸႄႈဝဵင်းလွႆလႅမ် ၸိုင်ႈတႆးပွတ်းၸၢၼ်း ။
ၸၢႆးယီႈၵွၼ်တႆး ၵႅမ်ၽူႈၼမ်းၼႂ်း ၵေႃႈလိၵ်ႈလၢႆးလႄႈၾိင်ႈငႄႈတႆး ဝဵင်းပၢင်လူင် လၢတ်ႈဝႃႈ -“မိူဝ်ႈၵူႈပီ ပူၼ်ႉမႃးၼၼ်ႉ ႁဝ်းၶႃႈ တေတွၼ်ႈသူးပၼ် လုၵ်ႈႁဵၼ်း ဢွင်ႇပူၼ်ႉၸၼ်ႉသိပ်း တီႈၼိူဝ်ၶဵင်ႇပၢင်ပွႆး ၼႂ်းဝၼ်းပီမႂ်ႇၼိုင်ႈဝၼ်းၼၼ်ႉၶႃႈ။ ပီၼႆႉ လႆႈတွၼ်ႈပၼ် တီႈဝတ်ႉပိတၵၢတ်ႈၶႃႈ”- ဝႃႈၼႆ။
ပီၼႆႉ ဢၼ်လႆႈတွၼ်ႈသူး ယွင်ႈယေႃး လုၵ်ႈႁဵၼ်းဢွင်ႇပူၼ်ႉၸၼ်ႉသိပ်း တီႈဝဵင်း ပၢင်လူင် တင်းမူတ်း 66 ၵေႃႉ။ ၸၢႆး 14 ၵေႃႉ၊ ယိင်း 52 ၵေႃႉ။ ၼႂ်းၼၼ်ႉ ဢၼ်လႆႈ လၢဝ်ၸွင်ႈသမ်ႉ 14 ၵေႃႉ။ မိူဝ်ႈပီ 2019 ၼၼ်ႉသမ်ႉ လႆႈတွၼ်ႈပၼ် လုၵ်ႈႁဵၼ်း ၸိူဝ်း ဢွင်ႇပူၼ်ႉၸၼ်ႉသိပ်း ၼႂ်းပီ 2018 -2019 မီး 60 ပၢႆ မိူၼ်ၵၼ် ဝႃႈၼႆ။
ယၢမ်းၵၢင်ၼႂ် မွၵ်ႈ 7 မူင်း ၼႂ်းဝၼ်းလိူၼ်ၸဵင်မႂ်ႇ ၼိုင်ႈၶမ်ႈ ၼႂ်းဝၼ်းတီႈ 15/12/2020 ယူႇတီႈသင်ၶ ၸဝ်ႈ ၼႂ်းဝတ်ႉပိတၵၢတ်ႈ ႁူမ်ႈၵၼ် သုတ်ႇမုၼ်းဝၼ်းပရိတ်ႈ လႆႈႁူႉၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ