သင်ၶတႆး လုၵ်ႈႁဵၼ်းၸၼ်ႉၸွမ် မိူင်းၵွၵ်ႇ ဢွၼ်ၼမ်းၸတ်းႁဵတ်း ပၢင်သွၼ်လၢႆးဢဝ်ၶၢဝ်ႇ/ ပိုၼ်ႉထၢၼ်ၵၢၼ်တႅမ်ႈၶၢဝ်ႇ တွၼ်ႈတႃႇသင်ၶလႄႈၵူၼ်းႁိူၼ်း တေၸတ်းႁဵတ်းတီႈၸၼ်ႉၸွမ် မႁႃႊၸူႊလႃႊလူင်ႊၵွၼ်ႊ ဢယုတ်ႉထယႃး ပိုတ်ႇပၼ်တိုဝ်ႉတၢင်း တၵ်ႉၵႃႇသတ်း ထႃး ႁႂ်ႈလႆႈမႃးႁဵၼ်းႁူႉၸွမ်း ဝႃႈၼႆ။
ပေႃးထိုင်မႃး ဝၼ်းတီႈ 28-29/11/2020 ဝၼ်းသဝ် – ဝၼ်းတိတ်ႉ ယၢမ်းၵၢင်ၼႂ် 9 မူင်း ထိုင် 4 မူင်းဝၢႆးဝၼ်း ယူႇတီႈသင်ၶ တႆး လုၵ်ႈႁဵၼ်းၸၼ်ႉၸွမ် မိူင်းၵွၵ်ႇ ၸိုင်ႈထႆး တေဢွၼ်ၸတ်းႁဵတ်းပၢင်သွၼ်လၢႆးဢဝ်ၶၢဝ်ႇ/ တႅမ်ႈၶၢဝ်ႇ တီႈႁွင်ႈႁဵၼ်း D – 519 ၸၼ်ႉၸွမ် မႁႃႊၸူႊလႃႊလူင်ႊၵွၼ်ႊ ဢယုတ်ႉထယႃး ၸိုင်ႈထႆး ၼႆယဝ်ႉ။
ၸဝ်ႈၶူး ပိုၼ်းၼုမ်ႇ ပၼ်ႇတိတ ႁူဝ်ပဝ်ႈ သင်ၶတႆး လုၵ်ႈႁဵၼ်းၸၼ်ႉၸွမ် မိူင်းၵွၵ်ႇ ၸိုင်ႈထႆး လၢတ်ႈဝႃႈ -“ယူႇတီႈၸဝ်းႁဝ်း ၶဝ်သေ ဢွၼ်ၼမ်းၸတ်းႁဵတ်း ႁႂ်ႈမၼ်းပေႃးပဵၼ် ၽွၼ်းလီတွၼ်ႈတႃႇ သင်ၶၸဝ်ႈႁဝ်းၶဝ် ၸိူဝ်းမႃးႁဵၼ်းသွၼ်ဝႆႉၸိူဝ်းၼႆႉလႄႈ သင် ယဝ်ႉၵေႃႈ ပိုတ်ႇပၼ်တိုဝ်ႉတၢင်းတၵ်ႉၵႃႇသတ်းထႃးႁဝ်းၶဝ် ႁႂ်ႈပေႃးလႆႈမႃးႁဵၼ်းႁူႉၸွမ်း ၸဵမ်ၸိူဝ်းၼႆႉပႃးၶႃႈဢေႃႈ”- ဝႃႈၼႆ။
ပၢင်သွၼ် လၢႆးဢဝ်ၶၢဝ်ႇ/ ပိုၼ်ႉထၢၼ်ၵၢၼ်တႅမ်ႈၶၢဝ်ႇၼႆႉ ၸၢႆးယီႈၽူင်း ၽူႈၵုမ်းထတ်းလိၵ်ႈ/ ၶၢဝ်ႇ ၸုမ်း ၶၢဝ်ႇၽူႈတွႆႇႁွၵ်ႈ တေပူင်သွၼ်ပၼ်။
ၼႂ်းပၢင်သွၼ်ၼၼ်ႉ တေမီးသင်ၶတႆး ၶဝ်ႈႁူမ်ႈလဵပ်ႈႁဵၼ်း တင်းမူတ်း 30 တူၼ် ၵူၼ်းႁိူၼ်း 15 ၵေႃႉ ဢၼ်လႆႈ ႁပ်ႉႁူႉသဵၼ်ႈမၢႆၽူႈတေၶဝ်ႈႁူမ်ႈလဵပ်ႈႁဵၼ်းဝႆႉၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ