Friday, March 29, 2024

ၼၢင်းယိင်းၵေႃႉၼိုင်ႈမႃးတွတ်ႈၶႅပ်းတႅၼ်းတၢင်ဢူၺ်းၵေႃႉမၼ်းတီႈ ဢိူင်ႇတဵင်းလူင် မူႇၸေႊ

Must read

ၶွမ်ႊမသျိၼ်ႊၵူတ်ႇထတ်းႁၼ် ၼၢင်းယိင်း ၸၢဝ်းၶႄႇ ၵေႃႉၼိုင်ႈ မႃးတွတ်ႈၶႅပ်းၵၢင်ၸႂ် တၢင်ဢူၺ်းၵေႃႉမၼ်းတီႈဢိူင်ႇတဵင်းလူင် ၸႄႈဝဵင်းမူႇၸေႊ ၊ တၼ်းလႆႈတွတ်ႈ  ၶႅပ်းၼိုင်ႈ ဝႃႈ ၼႆ။

ႁူင်းတွတ်ႈၶႅပ်းၵၢင်ၸႂ်တီႈ ဢိူင်ႇတဵင်းလူင် မူႇၸေႊ

တီႈႁူင်းတွတ်ႈၶႅပ်းၵၢင်ၸႂ် မၢႆ 1 ဢိူင်ႇတဵင်းလူင် ၸႄႈဝဵင်းမူႇၸေႊ ၸိုင်ႈတႆးပွတ်းႁွင်ႇ မီးၼၢင်းယိင်းၸၢဝ်းၶႄႇ ၵေႃႉၼိုင်ႈ မႃးတွတ်ႈၶႅပ်းၵၢင်ၸႂ် တၢင်ဢူၺ်းၵေႃႉမၼ်းဝႃႈၼႆသေ တၼ်းလႆႈတွတ်ႈသႂ်ႇၵႂႃႇ ၼႂ်းပုင်းၽူႈတႅၼ်းသၽႃးၵူၼ်းမိူင်း ပုင်း ၼိုင်ႈ ၼႆယဝ်ႉ။

- Subscription -

ၽူႈပႂ်ႉႁူင်းတွတ်ႈၶႅပ်းၵၢင်ၸႂ် တီႈႁူင်းတွတ်ႈၶႅပ်းၼၼ်ႉ လၢတ်ႈဝႃႈ -“ၸႂ်ႈၶႃႈဢေႃႈ မိူဝ်ႈၵႆႈၼႆႉ ပဵၼ်ၼၢင်းယိင်းၶႄႇၵေႃႉ ၼိုင်ႈမႃးတၢင်ဢူၺ်းၵေႃႉမၼ်းသေ တၼ်းလႆႈတွတ်ႈၵႂႃႇပုင်းၼိုင်ႈ၊ ယွၼ်ႉၵူၼ်းၸႅၵ်ႇမၼ်းဢမ်ႇတၼ်းလႆႈတူၺ်း လီလီ ၶႃႈဢေႃႈ၊ တၼ်းတူၺ်းမၢႆၾၢင်လႄႈ မၢႆၶပ်ႉတွတ်ႈၶႅပ်းၵၢင်ၸႂ်ၼၼ်ႉၵူၺ်းၶႃႈလႄႈ လႆႈဢဝ်တွတ်ႈၵႂႃႇပုင်းၽူႈတႅၼ်းသၽႃး ၵူၼ်းမိူင်းၶႃႈ”- ဝႃႈၼႆ။

ႁူင်းတွတ်ႈၶႅပ်းမၢႆ 1 ဢိူင်ႇတဵင်းလူင်ၼႆႉ ႁူဝ်ၵူၼ်းတွတ်ႈၶႅပ်းၵၢင်ၸႂ် တင်းမူတ်းမီး 1,470 ၵေႃႉ။ ၽူႈၸၢႆး 643 ၵေႃႉ၊ ၽူႈ ယိင်း 827 ၵေႃႉ ၼႆယဝ်ႉ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း