ယၢမ်းလဵဝ် ၵူၼ်းၼႂ်းဢိူင်ႇပၢင်လူင် ဝဵင်းၼမ်ႉတူႈ မႃးပၼ်သဵင်/ တွတ်ႈၶႅပ်းၵၢင်ၸႂ် တိုၵ်ႉမီးဢေႇမင်ယူႇ ဝႃႈၼႆ။
ၵူၼ်းမိူင်း ၼႂ်းဢိူင်ႇပၢင်လူင် ၸႄႈဝဵင်းၼမ်ႉတူႈ ၸိုင်ႈတႆးပွတ်းႁွင်ႇၼႆႉ ႁူဝ်ၵူၼ်းမီး သုၼ်ႇတွတ်ႈၶႅပ်းၵၢင်ၸႂ် တင်းမူတ်း 2,000 ပၢႆ။ ဢၼ်မႃးတွတ်ႈၶႅပ်းၵႂႃႇယဝ်ႉ တိုၵ်ႉမီး 1,020 ၵေႃႉၵူၺ်း ဝႃႈၼႆ။
ၽူႈပႂ်ႉႁူင်းတွတ်ႈၶႅပ်း တီႈဢိူင်ႇပၢင်လူင် လၢတ်ႈဝႃႈ – “တီႈဢိူင်ႇပၢင်လူင်ၼႆႉ ႁူဝ်ၵူၼ်းမီးသုၼ်ႇတွတ်ႈၶႅပ်းၵၢင်ၸႂ် 2,000 ပၢႆ။ တိုၵ်ႉမႃးသႂ်ႇၵႂႃႇယဝ်ႉ 1,020 ၵေႃႉၼႆႉ တႄႇဢဝ် ယၢမ်း 11 မူင်းမႃးၼႆႉ ၵူၼ်းမႃးတွတ်ႈႁၢင်ႇႁီႈ ႁၢင်ႇႁၢႆးဝႆႉၶႃႈဢေႃႈ။ တိုၵ်ႉ ၶတ်းၸႂ်လၢတ်ႈႁႂ်ႈႁူဝ်ပွၵ်ႉၵႂႃႇႁွင်ႉၶဝ်မႃးတွတ်ႈယူႇၶႃႈ“- ဝႃႈၼႆ။
ၼႂ်းၸႄႈဝဵင်းၼမ်ႉတူႈၼႆႉ ၵူၼ်းမီးသုၼ်ႇတွတ်ႈၶႅပ်းၵၢင်ၸႂ် တင်းမူတ်းမီး 33,185 ၵေႃႉ။ ၼႂ်းၼၼ်ႉ ၶဵတ်ႇသဵင်မၢႆ 1 မီး 15,545 ၵေႃႉ၊ မၢႆ 2 မီး 17,640 ၵေႃႉ ၼႆယဝ်ႉ။
ပႃႇတီႇ ဢၼ်ၶဝ်ႈၶဵင်ႇၵၼ်တႄႉ မိူၼ်ၼင်ႇ ပႃႇတီႇႁူဝ်သိူဝ်၊ သိူဝ်ၽိူၵ်ႇ၊ တဢၢင်း၊ ၶၢင်၊ ၼူၵ်ႉယုင်း လႄႈ သၢင်ႇသီႈ ၸိူဝ်းၼႆႉ။
