ပႃႇတီႇသၢင်ႇသီႈ USDP ပႃးတင်းရူတ်ႉၵႃးလႄႈႁႅင်းၵူၼ်းမွၵ်ႈၼိုင်ႈႁဵင် ပၼ်ႇလဵပ်ႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း ။
Photo by SNM – ပႃႇတီႇသၢင်ႇသီႈ USDP ၼေဢဵၼ်ႁႅင်းပၼ်ႇလဵပ်ႈဝဵင်းတူၼ်ႈတီး ဝၼ်းတီႈ 5/11/2020
ဝၼ်းတီႈ 5/11/2020 ယၢမ်းၵၢင်ဝၼ်း ပႃႇတီႇသၢင်ႇသီႈပႃးတင်း ဢဵၼ်ႁႅင်းၵူၼ်းႁဵင်ပၢႆ လုၵ်ႉဝဵင်းတူၼ်ႈတီး ပၼ်ႇလဵပ်ႈလူင်းၵႂႃႇတၢင်း ဝဵင်းဢေးသႃႇယႃႇ ၊ ၵႂႃႇထိုင်ၼႂ်း ၸႄႈဝဵင်းယွင်ႁူၺ်ႈ၊ ဝၢႆးၼၼ်ႉ ပၼ်ႇၶိုၼ်ႈမႃးတၢင်းသဵၼ်ႈတၢင်း လင်ဝဵင်း(အနောက်မြို့ပတ်လမ်း)၊ ၼႃႈ ဝဵင်း (အရှေ့မြို့ပတ်လမ်း) သေ ပၼ်ႇၵႂႃႇတၢင်းသဵၼ်ႈတၢင်းၸွမ်ႁၢၼ်ဢွင်ႇသၢၼ်း ၸိူဝ်းၼႆႉ။
ပႃႇတီႇသၢင်ႇသီႈၼႆႉ ၼႂ်းၸႄႈဝဵင်းတူၼ်ႈတီး ၶဝ်ႈၶႅင်ႇလိူၵ်ႈတင်ႈ မိူၼ်ၼင်ႇ ၼေႃႇၽူႈတႅၼ်းသၽႃးၵူၼ်းမိူင်း ပဵၼ်ဢူးၶုၼ်ႇယႄးထူၺ်း ၊ သၽႃးၸိူဝ်ႉၸၢတ်ႈပဵၼ် ဢူးၶုၼ်ႇမွင်ႇပေႃႇ၊ သၽႃးၸႄႈမိူင်း ၶဵတ်ႇသဵင်မၢႆ 1 ပဵၼ် ဢူးၸၢႆးၸေႃႇၸေႃႇ လႄႈ ၽွင်းလူင်ၸၢဝ်းၶိူဝ်းတႆး ၼႂ်းမိူင်းတႆး ၵေႃႉၼိုင်ႈ ၸိူဝ်းၼႆႉ။
ၶွမ်ႊမသျိၼ်ႊပၢင်လိူၵ်ႈတင်ႈ UEC တႄႉပိုၼ်ၽၢဝ်ႇဝႆႉဝႃႈ -ၽွင်းပႃႇတီႇၵၢၼ်မိူင်းလူင်းႁႃသဵင်သူၼ်းတုမ်ၼၼ်ႉ ႁၢမ်ႈၶွၼ်ႈတုမ်ၵူၼ်း ၼမ်လိူဝ် 30 ၵေႃႉၼႆလႄႈ ပႃႇတီႇတႆး ၼႂ်းမိူင်းတႆး လႆႈယုၵ်ႉလိူၵ်ႈၵၢၼ်လူင်းသူၼ်းတုမ်ၼႄဢဵၼ်ႁႅင်း လၢႆလၢႆၸႄႈဝဵင်း။
