Monday, June 17, 2024

ပလိၵ်ႈဝဵင်းလိူဝ်ႇ တီႉၺွပ်း ၽူႈထတ်းလိၵ်ႈလႄႈ ၽူႈၵေႃႇတင်ႈၸုမ်းၶၢဝ်ႇ VOM   

Must read

ပလိၵ်ႈ CID ဝဵင်းလိူဝ်ႇ ႁွင်ႉဢဝ် ၵူဝ်ႇၼေႇမဵဝ်းလိၼ်း ဢႄႊတီႊတိူဝ်ႊ လႄႈ  ၽူႈၵေႃႇတင်ႈၸုမ်းၶၢဝ်ႇ  VOM  Voice of Myanmar ၵႂႃႇတႃႇတွင်ႈထၢမ် ၼႆသေ တေႃႇထိုင်ယၢမ်းလဵဝ် ဢမ်ႇပႆႇပွႆႇလွတ်ႈမႃးၶိုၼ်း  ၶင်ဝႆႉတီႈလႂ် လုၵ်ႈမေးဢမ်ႇလႆႈႁူႉၸွမ်း။

Photo Credit to Myanmar Free Press – ၵူဝ်ႇၼေႇမဵဝ်းလိၼ်း ဢႄႊတီႊတိူဝ်ႊ လႄႈ ၽူႈၵေႃႇတင်ႈၸုမ်းၶၢဝ်ႇ  VOM  Voice of Myanmar

ဝၼ်းတီႈ 30/3/2020 ယၢမ်းၵၢင်ၶိုၼ်း 9 မူင်းၼႆႉ ၾၢႆႇပလိၵ်ႈ CID ၾၢႆႇရႃႇၸဝၢတ်ႈ ဝဵင်းလိူဝ်ႇ မႃးႁွင်ႉဢဝ်မၼ်းၸၢႆးတီႈႁိူၼ်း မၼ်းတလေး (ဝဵင်းလိူဝ်ႇ) သေ ဢဝ်ၵႂႃႇၶင်ဝႆႉ။ ယွၼ်ႉသင် ၊ တေဢဝ်ၵႂႃႇတီႈလႂ်ၵေႃႈဢမ်ႇလၢတ်ႈၼေလုၵ်ႈမေးၵူၼ်းႁိူၼ်း။

- Subscription -

ၵူၼ်းႁိူၼ်းၵႂႃႇယွၼ်းႁူပ်ႉတီႈႁူင်းပလိၵ်ႈ ၵေႃႈ ပလိၵ်ႈဢမ်ႇပၼ်ႁူပ်ႉ။

Photo Credit to Myanmar Free Press – ၵူၼ်းႁိူၼ်းၵႂႃႇယွၼ်းႁူပ်ႉတီႈႁူင်းပလိၵ်ႈ မိူဝ်ႈၶမ်ႈဝႃး 30/3/2020

ယူႇတီႈၸုမ်းၶၢဝ်ႇလၢႆလၢႆဢၼ် ထတ်းသၢင်ဝႃႈ ၶႂ်ႈမိူၼ်ငဝ်းလၢႆး ပိူင်ၽွင်းငမ်းသိုၵ်း မႃးၶိုၼ်းယဝ်ႉ ၼႆသေ တုၵ်းယွၼ်းထိုင် ၶွင်ႊသီႊသိုဝ်ႇၶၢဝ်ႇၸိုင်ႈမိူင်း လႄႈ လူင်ပွင်ၸိုင်ႈ ႁႂ်ႈၸွႆႈၵႄႈလိတ်ႈပၼ်ဝႆးဝႆး- ဝႃႈၼႆ။

ၾၢႆႇၼိုင်ႈ ၽွင်းတပ်ႉသိုၵ်းလႄႈ ၾၢႆႇသိုဝ်ႇသၢၼ် ပိၵ်ႉႁႅတ်ႉသၢႆ ဢိၼ်းထိူဝ်ႊၼႅတ်ႇ မိူင်းရၶႅင်ႇ ၼၼ်ႉ  ပိၵ်ႉႁႅတ်ႉပႃးဝႅပ်ႉသၢႆႇၶၢဝ်ႇဢၼ်ပၵ်းၼႂ်းၼႃႈလိၼ်ၸၢဝ်းၶိူဝ်းတင်ႈဢဝ်မိူဝ်ႈဝၼ်းတီႈ 23/3/2020 တေႃႇထိုင်ဝၼ်းမိူဝ်ႈၼႆႉယင်းပႆႇပိုတ်ႇပၼ်ၶိုၼ်း။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း