Monday, June 17, 2024

ၵူၼ်းတိတ်းၸပ်းၸိူဝ်ႉမႅင်း ၶူဝ်ႊဝိတ်ႉ-19 ႁၼ်တီႈတႃႈၵုင်ႈထႅင်ႈ 2 ၵေႃႉ

Must read

ႁွင်ႈၵၢၼ်ၽွင်းလူင်ၾၢႆႇပၢႆးယူႇလီပိုၼ်ၽၢဝ်ႇ ဝၼ်းတီႈ 29/3/2020 ယၢမ်းၵၢင်ၶမ်ႈ 10 မူင်းၶိုင်ႈဝႃႈ ၵူၼ်းတိတ်းၸပ်း ၸိူဝ်ႉမႅင်းတၢင်းပဵၼ် ၶူဝ်ႊရူဝ်ႊၼႃႊ မီးထႅင်ႈ 2 ၵေႃႉ တင်းမူတ်းၼႂ်းမိူင်းႁူမ်ႈတုမ်မီးၵူၼ်းတိတ်းၸပ်းတၢင်းပဵၼ်ယဝ်ႉ 10 ၵေႃႉ။

- Subscription -

ၵူၼ်းတိတ်းၸပ်းတၢင်းပဵၼ်ထႅင်ႈ 2 ၵေႃႉၼႆႉပဵၼ် ၽူႈၸၢႆး တင်းသွင်ၵေႃႉ။ ၵေႃႉၼိုင်ႈဢႃယု 44 ယူႇၸႄႈဝဵင်း မိင်ႇၵလႃႇတူင်ႇ ဝဵင်းလူင်တႃႈၵုင်ႈ ။ မၼ်းၸၢႆးၼႆႉ လုၵ်ႉမိူင်းထႆးမႃးထိုင်မိူင်းမၢၼ်ႈ ဝၼ်းတီႈ 23/3/2020 လူၺ်ႈသဵၼ်ႈတၢင်း မျႃႉဝတီႇ-မႄႈသွတ်ႇ ဝႃႈၼႆ။

ထႅင်ႈၵေႃႉၼိုင်ႈတႄႉ ဢႃယု 45 ပီ ယူႇ ၸႄႈဝဵင်း မိင်ႇၵလႃႇတွင်ႇၺုၼ်ႉ ဝဵင်းလူင်တႃႈၵုင်ႈ။ မၼ်းၸၢႆးတႄႉ ဢမ်ႇမီးပိုၼ်းၵႂႃႇၼွၵ်ႈမိူင်းမႃး ၊ လိူဝ်ၼၼ်ႉ ဢမ်ႇမီးပိုၼ်း ႁူပ်ႉထူပ်းတိတ်းတေႃႇတင်း ၵူၼ်းမီးၸိူဝ်ႉမႅင်း- ၽွင်းလူင်ၾၢႆႇပၢႆးယူႇလီပိုၼ်ၽၢဝ်ႇဝႆႉၼင်ႇၼႆ။

ယၢမ်းလဵဝ်တီႈမိူင်းႁူမ်ႈတုမ်မၢၼ်ႈၼႆႉ မီးၵူၼ်းတိတ်းၸပ်းတၢင်းပဵၼ် ၶူဝ်ႊဝိတ်ႉ-19 ပဵၼ်တၢင်းၵၢၼ် မီး 10 ၵေႃႉယဝ်ႉ။ ၵူၼ်းဢၼ်ထၢင်ႇထိူမ်သေ ပႂ်ႉတူၺ်းဝႆႉ မီး 475 ၵေႃႉ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း