ၸိူဝ်ႉမႅင်းဝႆးရတ်ႉသ် ၶူဝ်ႊဝိတ်ႉ-19 ၽႄႈလၢမ်းတိတ်းၸပ်းဝႆးၼႂ်းလုမ်ႈၾႃႉ ဝၼ်းမိူဝ်ႈၼႆႉ ၸိုင်ႈမိူင်းဢမႄႊရိၵၼ်ႊ မီးၵူၼ်းတိတ်းၸပ်းၼမ်သုတ်းထိ ႞ ။
ဝၼ်းတီႈ 27/3/2020 ဝၼ်းမိူင်ႈၼႆႉ ႁွင်ႈၵၢၼ်ၶၢဝ်ႇ SCMP ပိုၼ်ၽၢဝ်ႇဝႃႈ ၸိုင်ႈမိူင်း ဢမႄႊရိၵၼ်ႊ ၵူၼ်းတိတ်းၸပ်းတၢင်းပဵၼ် ၸိူဝ်ႉမႅင်းၶူဝ်ႊဝိတ်ႉ-19 မီး 85505 ၵေႃႉ။ တၢႆ 1288 ၵေႃႉ။ ၵူၼ်းတိတ်းၸပ်းၼႂ်းမိူင်းၶႄႇၵူၺ်းမီး 81340 ၵေႃႉၵူၺ်း။
ၵူၺ်းၵႃႈ ဢၼ်တၢႆ ယွၼ်ႉၸိူဝ်ႉမႅင်းၶူဝ်ႊဝိတ်ႉ-19 ၼမ်သုတ်းသမ်ႉပဵၼ်ၸိုင်ႈမိူင်း ဢီႊတလီႊ မီးၵူၼ်းတၢႆတင်းမူတ်း 8165 ၵေႃႉ။ မိူင်းၶႄႇတီႈဢၼ်တႄႇၽႄႈၸိူဝ်ႉမႅင်းၼၼ်ႉတႄႉ ငဝ်းလၢႆးယၢမ်းလဵဝ် ၵုမ်းၸိူဝ်ႉမႅင်းၼႆႉလႆႈၽွင်ႈယဝ်ႉလႄႈ ဢၼ်တၢႆၵေႃႈ မီးယူႇ 3292 ၵေႃႉၵူၺ်းယဝ်ႉ။
ၵဵဝ်ႇၵပ်းလွင်ႈၼႆႉ ၸုမ်းပၢႆးယူႇလီလုမ်ႈၾႃႉယင်းတူၵ်ႇတၵ်ႉဝႃႈ ၵူၼ်းတၢႆယွၼ်ႉတၢင်းပဵၼ် ၶူဝ်ႊဝိတ်ႉ-19 ၼႂ်းလုမ်ႈၾႃႉ မီး 23528 ၵေႃႉ။ ၼႂ်းၼၼ်ႉ မိူင်းယူႊရူပ်ႊ မီးႁူဝ်ၵူၼ်းတၢႆယွၼ်ႉတၢင်းပဵၼ်ၼႆႉ မီးၸမ် 20000 ယဝ်ႉလႄႈ ပဵၼ်ဢၼ်လီမႆႈၸႂ်- ဝႃႈၼႆ။
ဝၼ်းမိူဝ်ႈၼႆႉ ၵူၼ်းဢၼ်တိတ်းၸပ်း ၸိူဝ်ႉမႅင်းၶူဝ်ႊဝိတ်ႉ-19 ၼႂ်းလုမ်ႈၾႃႉဝၼ်းမိူဝ်ႈၼႆႉမီးယူႇ 518378 ၵေႃႉ။
Ref; SCMP
