Friday, March 29, 2024

တေႃႇဢွင်ႇသၢၼ်းသူႉၵျီႇ တေမႃးတူၼ်ႈတီးသေ တေၵႂႃႇထိုင် ငဝ်ႈငုၼ်းၸုမ်းပဢူဝ်း PNO

Must read

ၽူႈၵိူဝ်းၵုမ်ၸိုင်ႈမိူင်း တေႃႇဢွင်ႇသၢၼ်းသူႉၵျီႇ တေမႃးတူၼ်ႈတီး တႃႇႁူပ်ႉထူပ်းၵူၼ်းမိူင်းတူၼ်ႈတီးလႄႈ တႃႇမႃးၶဝ်ႈႁူမ်ႈပၢင်တၢၼ်းၶဝ်ႈသွမ်းသၢၼ်သင်ၶၸဝ်ႈ 528 တူၼ်လႄႈ ပၢင်တၢၼ်းၶူဝ်းၶွင် ထႃပၼႃၵွင်းမူး မႁႃႇၽေႃးထိ ဢၼ်မီးၼႂ်းၵိင်ႇၸႄႈဝဵင်းၵျွၵ်ႉတလူင်း ၼႂ်းၸႄႈဝဵင်းတူၼ်ႈတီး ဝႃႈၼႆ။

Photo Credit to Myanmar State Counsellor Office

တေႃႇဢွင်ႇသၢၼ်းသူႉၵျီႇၼႆႉတေၶိုၼ်ႈၶိူင်ႈမိၼ်မႃးလူင်းတီႈၶူင်ႇႁိူဝ်းမိၼ်ႁၢႆးႁူဝ်းၼႂ်းဝၼ်းတီႈ 19/11/2019 ၼႆႉဝႃႈၼႆ။

- Subscription -

ၶၢဝ်းတၢင်းမၼ်းၼၢင်း မႃးမိူင်းတႆးပွၵ်ႈၼႆႉတေမီးပႃး ၽွင်းလူင်မိူင်းႁူမ်ႈတုမ် 5 ၵေႃႉ ၵႅမ်ၽွင်းလူင် 2 ၵေႃႉလႄႈ ၽူႈမီးပုၼ်ႈၽွၼ်းၶဝ်တေပႃးမႃးၸွမ်းတင်းၼမ်ဝႃႈၼႆ။

လူင်ပွင်ၸိုင်ႈမိူင်းတႆးပိုၼ်ၽၢဝ်ႇဝႆႉတႄႉ တေမႃးၶဝ်ႈႁူမ်ႈပိုတ်ႇႁွင်ႈယူတ်းယႃ တႃႇၵိူတ်ႇလဵင်ႉလုၵ်ႈဢွၼ်ႇ ၊ တေႁူပ်ႉထူပ်းၵူၼ်းမိူင်းပိုၼ်ႉတီႈ၊  ႁူပ်ႉထူပ်းၽူႈဢွၼ်ႁူဝ်ၸၢဝ်းၶိူဝ်း၊ ၽူႈဢွၼ်ႁူဝ်သႃသၼႃ ၊ လိူဝ်ၼၼ်ႉတေၵႂႃႇၶဝ်ႈႁူမ်ႈပၢင်ပွႆးတၢၼ်းၶူဝ်းၶွင် ထႃပၼႃၵွင်းမူး ၸိူဝ်းၼႆႉဝႃႈၼႆ။

တေႃႇဢွင်ႇသၢၼ်းသူႉၵျီႇၼႆႉ ၼႂ်းပီ 2019 ၼႆႉၵူၺ်းမႃးတူၼ်ႈတီး ဝဵင်းလူင်ၸိုင်ႈတႆး 3 ပွၵ်ႈ ပႃးၵမ်းၼႆႉ။ မိူဝ်ႈႁူဝ်ပီ ၽွင်းဝၼ်းမိူင်းတႆး (ဝၼ်းၸိူဝ်ႉၸၢတ်ႈၸိုင်ႈတႆး) ၶွပ်ႈတဵမ် 72 ပီၼၼ်ႉ မၼ်းၼၢင်းမႃးၶဝ်ႈႁူမ်ႈပၢင်ပွႆး။ ဝၢႆးၼၼ်ႉ မိူဝ်ႈလိူၼ်ႈ 11 ပွႆးၽြႃးၽွင်ႇတေႃႇဢူး ၸၢမ်ၵဝ်ႈတွၼ်ႈလူင်းမိူင်းၼၼ်ႉၵေႃႈ မၼ်းၼၢင်းမႃးၼႂ်း ၼွင်ႁၢႆးယႃႈ ၵမ်းၼိုင်ႈ။ ၽူႈလဵပ်ႈႁဵၼ်းၵၢၼ်မိူင်း ၸိုင်ႈတႆး တင်းလၢႆ ထတ်းသၢင် တႄႉ ဝႃႈ မႃးတႃႇလႆႈသဵင် ပၢင်လိူၵ်ႈတင်ႈ ဢၼ်တေ ၸတ်းႁဵတ်း ႁၢင်ပီတေမႃးၼႆႉဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း