ၸွမ်ၽွင်းလူင်ၸိုင်ႈတႆးဢူးဢွင်ႇဢွင်ႇ လႄႈတူဝ်တႅၼ်းၸုမ်းသိုၵ်းမၢၼ်ႈယိုတ်းဢႃႇၼႃႇၸိုင်ႈမိူင်း ႁူပ်ႉထူပ်းၽူႈမီးပုၼ်ႈၽွၼ်းၽူႈၼမ်းၸုမ်းမိူင်းလႃးၸိုင်ႈတႆးပွတ်းဢွၵ်ႇယဝ်ႉသေ သိုပ်ႇဢႅဝ်ႇယဵမ်ႈလႅၼ်လိၼ် ၶႄႇ-မၢၼ်ႈ။ ဝၼ်းတီႈ 7 လႄႈ 8/08/2025 ၼၼ်ႉ ၸုမ်းတူဝ်တႅၼ်းၾၢႆႇၽွင်းငမ်း ၸုမ်းသိုၵ်းမၢၼ်ႈ ၸိူဝ်းႁွတ်ႈထိုင်ဝဵင်းမိူင်းလႃး ႁူပ်ႉထူပ်းတူဝ်တႅၼ်းၸုမ်းမိူင်းလႃး ဢုပ်ႇဢူဝ်းၵၼ်လွင်ႈ ပၢႆးပၺ်ႇၺႃႇ ၊ ပၢႆးယူႇလီ၊ လွင်ႈႁုၼ်ႈမုၼ်းမႂ်ႇသုင်ၼႂ်းပိုၼ်ႉတီႈၸိူဝ်းၼႆႉသေ လၢတ်ႈဝႃႈတေၸွႆႈပူၵ်းပွင်ၵႂႃႇ ဝႃႈၼႆ။ တီႈပၢင်ႁူပ်ႉထူပ်းၵၼ်ၼၼ်ႉ ၸွမ်ၽွင်းလူင်ၸိုင်ႈတႆး ဢူးဢွင်ႇဢွင်ႇလႄႈ ၽူႈၵွၼ်းတိူင်းသၢမ်ၸဵင်ႇၵဵင်းတုင် ၸွမ်သိုၵ်းၸူဝ်းလၢႆႇဢွၼ်ႁူဝ်မူႇၸုမ်း...