ၵူၼ်းႁဝ်းၶႃႈၼႆႉ တူင်ႉၼိုင်ၵႂႃႇမႃးယူႇၵူႈဝၼ်းဝၼ်း ဢမ်ႇတၼ်းႁူႉတူဝ်ဝႃႈ ၸဝ်ႈၵဝ်ႇပဵၼ်သင်သေ ၵိုင်ႉၵၢင်ႉလူႉတၢႆ သဵင်ႈသၢႆၸႂ်ၵႂႃႇၵေႃႈမီး တင်းၼမ်။ လွင်ႈၸိူင်ႉၼႆၼႆႉဝႆႉမဝ်မၢင်ဢမ်ႇလႆႈ။ တူၺ်းၾၢႆႇ ၼွၵ်ႈတႄႉ ၼႃႈယုမ်ႉတႃဝၢၼ် ႁဵတ်း ၵၢၼ်တိုၵ်ႉလႆႈယူႇၼႆသေတႃႉ ပၢႆးယူႇလီၼႂ်းၼိူဝ်ႉၼႂ်းလိူတ်ႈပဵၼ် ႁိုဝ်ဝႆႉၼႆ ပေႃးဢမ်ႇၸႂ်ႈၵူၼ်းသူၼ်ၸႂ် ပၢႆးယူႇလီၸဝ်ႈၵဝ်ႇတႄႉတႄႉၼႆ တေဢမ်ႇႁူႉလႆႈ။ မၢင်ၸိူဝ်း မီးတၢင်းပဵၼ်ႁူဝ်ၸႂ်ဝႆႉယူႇၵေႃႈ ဢမ်ႇတၼ်းၾၢင်ႉမႅၼ်ႈ တႃႇယူတ်းယႃလႄႈ ၵႅတ်ႇၵင်ႈလူင်ႈၼႃႈၵေႃႈ ႁိုဝ်တေမီး။ ၼင်ႇႁိုဝ်...

ၼၢင်းယိင်းၵေႃႉၼိုင်ႈ ဢႃယု 60 ပီ လုၵ်ႉမိူင်းထႆး ပွၵ်ႈၶိုၼ်းႁိူၼ်း မိူင်းၼၢႆး ၼၼ်ႉ ၵိုင်ႉၵၢင်ႉလူႉတၢႆၽွင်းၵၵ်းတူဝ်ဝႆႉတီႈ ဝတ်ႉၵျွင်း ဝိပသၼႃမူဝ်းၵူၵ်ႉ ဢၼ်မီးတီႈ ပွၵ်ႉၼႃႈႁွင်ႇ။  မၼ်းၼၢင်းပဵၼ်ၵူၼ်းဝၢၼ်ႈသူၼ်မၢၵ်ႇယၢၼ်း ဢိူင်ႇၵုၼ်ၼႃး ၸေႈဝဵင်းမိူင်းၼၢႆး။ မၼ်းၼၢင်းလုၵ်ႉမိူင်းထႆးပွၵ်ႈမိူဝ်းထိုင် မိူင်းၼၢႆးမိူဝ်ႈဝၼ်းတီႈ 3/7/2020။  မိူဝ်းၵၵ်းတူဝ်ဝႆႉလႆႈ 11 ဝၼ်းသေ လႆႈလူႉတၢႆၵႂႃႇၼႂ်းပၢင်သဝ်းၵၵ်းတူဝ် မိူဝ်ႈဝၼ်းတီႈ 14/7/2020။ ၸၢႆးၸွမ်ၼုမ်ႇ...