သင်ၶၢၼ်

ၼိုင်ႈပီ တီႈဢေႇသုတ်း တေလႆႈထူပ်းပီမႂ်ႇတႆး၊ ယဝ်ႉပီမႂ်ႇလုမ်ႈၾႃႉ၊ ပီမႂ်ႇၶႄႇလႄႈ ပီမႂ်ႇသွၼ်းၼမ်ႉ ပၼ်ႇပဵၼ်သင်ၶႃရယူႇ ၸိူင်ႉၼႆဢမ်ႇယဝ်ႉဢမ်ႇတူဝ်ႈ။ ပီမႂ်ႇသွၼ်းၼမ်ႉ ပဵၼ်ၾိင်ႈထုင်းႁိၼ်ႊတူႊၶွင်ၸၢဝ်းၵလႃး မိူင်းၸမ်းပူးတီးပ (ဢိၼ်းတယိူဝ်း) ၸိူဝ်းၼပ်ႉယမ်ၶုၼ်သၢင်ပြမ်ႇမႃႇၶဝ်ဢွၼ်တၢင်း။ ဝၢႆးမႃးၸင်ႇလႆႈၽႄႈလႆၶဝ်ႈမႃးၼႂ်းမိူင်းၾင်ႇတၢင်းဢွၵ်ႇမႄႈၼမ်ႉပၢင်ႇလၢႆႇ တိတ်းမႃးၸွမ်းၵူၼ်းၵႃႉၵူၼ်းၶၢႆလႄႈ ပုတ်ႉထသႃသၼႃး။ ယဝ်ႉဢဝ်ယဵၼ်းမႃးပဵၼ်ၾိင်ႈထုင်းၸၢဝ်းၶိူဝ်း ဢၼ်ၼပ်ႉၼမ်ပုတ်ႉ သႃသၼႃၶဝ် ဢဝ်ၸဵမ်ထႆး လၢဝ်း ၶမဵၼ် မၢၼ်ႈတင်းတႆးလႄႈ လင်းၵႃ...

ၸွမ်းၼင်ႇၾိင်ႈတႆးႁဝ်းၶႃႈမီးဝႆႉၼၼ်ႉ ပေႃးၶၢဝ်းဢွၵ်ႇဝႃႇသႃ ႁိုဝ် လိူၼ်ႁႃႈသွၼ်းၼမ်ႉႁွတ်ႈမႃးထိုင်ၼႆ ၸိူဝ်းပဵၼ် ၵူၼ်းၼုမ်ႇႁုၼ်ႈသႅၼ်း လုၵ်ႈလၢၼ် လုၵ်ႈၼွင်ႉပွင်ႈပၢႆ တေၵႂႃႇၵႃရဝၻမ်းႁူဝ် (ၵၼ်တေႃး) ပေႃႈထဝ်ႈမႄႈၵႄႇ ၶူးၿႃး ဢႃးၸၢၼ် လူၺ်ႈတၢင်းၼပ်ႉယမ် ဢၼ်ပဵၼ်ၾိင်ႈတိုဝ်းၵမ် လီငၢမ်းမႃးသိုပ်ႇသိုပ်ႇၵၼ်ၼၼ်ႉလႄႈ ထိုင်မႃးၵေႃးၸႃႇပီ 1379 ၶဝ်ႈသူႇ 1380 သင်ၶၢၼ် (သၢင်းၵျၢၼ်ႇ) 2018 ပီၼႆႉၵေႃႈ...