လိၵ်ႈတႆးယူႇၼွၵ်ႈတၢင်းၵၢၼ် တေႁဵတ်းႁိုဝ်သၢၼ်သိုပ်ႇႁႂ်ႈယိုၼ်းယၢဝ်း

ၾၢင်ႁၢင်ႈတဵမ်ၶၢပ်ႈၸိူဝ်ႉၶိူဝ်းၵူၼ်းၼိုင်ႈၶိူဝ်းၼၼ်ႉ မီးဝၢၼ်ႈမီးမိူင်းသေမီးဢမ်းၼၢၸ်ႈၽွင်းငမ်းလႄႈ ဢမ်ႇမီး သူၼ်ႇလႆႈၽွင်းငမ်းၵေႃႈလီ ပဵၼ်ၵူၼ်းၶိူဝ်းဢွၼ်ႇသေယူႇႁူမ်ႈၵိုၵ်း ၼႂ်းမိူင်းၵူၼ်းၶိူဝ်းယႂ်ႇၽွင်းငမ်းၵေႃႈလီ ၵူၼ်းၶိူဝ်းၼၼ်ႉ တၵ်းမီးၽႃသႃလိၵ်ႈလၢႆးၵႂၢမ်းလၢတ်ႈ ပဵၼ်တူၼ်ႈတိုၼ်း လၵ်းသဝ်လူင်သၢႆၸႂ်ၸိူဝ်ႉၶိူဝ်း လႄႈဝူင်ႇဝွၵ်ႇထိုင် ၵူၼ်းၶိူဝ်းလဵၵ်ႉ ၶိူဝ်းယႂ်ႇ ၼိူဝ်သၢႆတႃၵူၼ်းတင်းၼမ်။ ပေႃးဢမ်ႇမေႃပႂ်ႉပႃးမႅတ်ႇပႅင်းႁၵ်ႉသႃယူၵ်ႉယွင်ႈၸိုင် ဢမ်ႇဝႃႈၶိူဝ်းလဵၵ်ႉၶိူဝ်းယႂ်ႇ တၵ်းယဵၼ်းႁၢႆဝၢႆးဝွတ်ႈ ဝၼ်း ၼိုင်ႈဢမ်ႇႁၢင်ႉ။ ႁူမ်ႈဝႃႈတိုဝ်ႉတၢင်းငဝ်းလၢႆးဢမ်ႇပၼ်လႄႈ ဢမ်ႇၸၢင်ႈတေႁဵတ်းႁႂ်ႈမႄႇၽႄႈ ၵႂၢင်ႈၶႂၢင် ၶိုၼ်ႈယႂ်ႇႁိူဝ်ႈႁိူင်းတူဝ်ႈၸွတ်ႇႁူဝ်ၵူၼ်းတႆးၵူႈၵေႃႉ ဢိၵ်ႇတင်းမၢင်ၸိုင်ႈမိူင်းထုၵ်ႇတၢင်းၵၢၼ်ၾၢႆႇၽွင်းငမ်း ၶီႇၼဵၵ်းတဵၵ်းတဵင်လႄႈသင်...