ၾင်ႇမိူင်းၶႄႇ တေၸၢမ်းပိုတ်ႇၽၵ်းတူၵၢၼ်ၵႃႉၶၢႆ လႅၼ်လိၼ်တႆး - ၶႄႇ တူၺ်း တီႈၵျိၼ်ႊသၢၼ်ႊၵျေႃႊ ၼႂ်းၸႄႈဝဵင်းမူႇၸေႊၼၼ်ႉ တေတေႃႉၶူဝ်းၵုၼ်ႇတူၺ်း ဝႃႈၼႆ။ မိူဝ်ႈၽုၵ်ႈ ဝၼ်းတီႈ 23/11/2021 ၼႆႉ ယူႇတီႈၾၢႆႇၸဝ်ႈၼႃႈတီႈ တၢင်းၾင်ႇမိူင်းၶႄႇ တေၸၢမ်းပိုတ်ႇတေႃႉၶူဝ်းၵုၼ်ႇတူၺ်း တီႈၽၵ်းတူမိူင်း လႅၼ်လိၼ်တႆး - ၶႄႇ ၵျိၼ်ႊသၢၼ်ႊၵျေႃႊ ဢၼ်တိတ်းၸပ်းၵၼ် တၢင်းၸႄႈဝဵင်းမူႇၸေႊ ၸိုင်ႈတႆးပွတ်းႁွင်ႇ...

ဢိင်ၼိူဝ် တၢင်းပဵၼ်ၶူဝ်ႊဝိတ်ႉ 19 ၽႄႈလၢမ်းႁၢဝ်ႈႁႅင်းသေ လူင်ပွင်ၸိုင်ႈမိူင်းၶႄႇ   သင်ႇပိၵ်ႉၽၵ်းတူၶဝ်ႈဢွၵ်ႇၸွမ်းလႅၼ်လိၼ်တႆး - ၶႄႈ ၵူႈတီႈ  ယၢမ်းလဵဝ်ၶွပ်ႈတဵမ်မႃး 7 လိူၼ် ပႆႇမီးငဝ်းလၢႆးတေပိုတ်ႇၶိုၼ်း ၶႄႇယင်းထႅမ်ႁူမ်ႇလူမ်ႈလႅၼ်လိၼ်ဝႆႉထႅင်ႈၼႅၼ်ႈၼႃ။ ပေႃးထိုင်မႃး ဝၼ်းတီႈ 1/11/2020 ၼႆႉ လူင်ပွင်ၸိုင်ႈမိူင်းၶႄႇ ပိၵ်ႉၽၵ်းတူမိူင်းဢၼ်၊ တႃႈႁိူဝ်း ၸွမ်းလႅၼ်လိၼ်တႆး - ၶႄႇ ပႃးၸဵမ်တၢင်းၶဝ်ႈဢွၵ်ႇ...