မိူင်းဢိၼ်ႊတူဝ်ႊၼီသျႃႊ ဢဝ်ယုၵ်းယၢၵ်း/ တဝ်ႈပလၢတ်ႉသတိၵ်ႉသ် ႁဵတ်းပဵၼ်ႁိူဝ်းသေ ပၼ်ႇလဵပ်ႈ ၼႂ်းမႄႈၼမ်ႉ ၶျီႊလီႊဝူင်ႊ (Ciliwung River) ဢၼ်လႆလတ်းၵၢင်ဝဵင်းလူင် ၵျႃႊၵႃႊတႃႊၼိူဝ်လႄႈ ၵျႃႊၵႃႊတႃႊတႂ်ႈဝႆႉ။ ယိူင်းဢၢၼ်းတႃႇပၼ်ပိုၼ်ႉႁူႉလွင်ႈႁၵ်ႉသႃသိင်ႇဝႅတ်ႉလွမ်ႉ ဝႃႈၼႆ။
ႁိူဝ်း ဢၼ်ဢဝ်ယုၵ်းယၢၵ်း/တဝ်ႈပလၢတ်ႉသတိၵ်ႉသ်သေ ၶူင်သၢင်ႈႁဵတ်းဝႆႉၼၼ်ႉ မၢင်ဢၼ် ပဵၼ်ႁၢင်ႈတူဝ်သတ်း၊ ရူတ်ႉၵႃး၊ ႁုၼ်ႇႁၢင်ႈၵူၼ်းၸိုဝ်ႈလိုဝ်းလင်ၼႂ်းမိူင်း လႄႈ ႁၢင်ႈႁိူၼ်းတိုၵ်းလူင် ၸိူဝ်းၼႆႉ။ ၸတ်းႁဵတ်းၵႂႃႇမိူဝ်ႈႁၢင်လိူၼ်သႅပ်ႊထႅမ်ႊပိူဝ်ႊပူၼ်ႉမႃး ယိူင်းဢၢၼ်းပၢင်ပွႆး တႃႇပၼ်ပိုၼ်ႉႁူႉ ၼင်ႇႁိုဝ် မႄႈၼမ်ႉမိူင်းဢိၼ်ႊတူဝ်ႊၼီႊသျႃႊ တေၵၢင်းယၢၼ်လွင်ႈဝူၺ်ႇႁင်ႈ ၼႆယဝ်ႉ။
ၸုမ်းႁၵ်ႉသႃ မႄႈၼမ်ႉၵူႈမိူင်းမိူင်းလၢတ်ႈဝႃႈ – လႆႈဢဝ်ယုၵ်းယၢၵ်းၼႂ်းမႄႈၼမ်ႉ ၶျီႊလီႊဝူင်ႊ (Ciliwung River) ဢွၵ်ႇပႅတ်ႈ 7000 တၼ်ႊယူႇၵူႈဝၼ်း ဝႃႈၼႆ။
လွင်ႈႁဵတ်းႁႂ်ႈမႄႈၼမ်ႉမူတ်းသႂ်ၼႆႉ လမ်ႇလွင်ႈတႃႇ တူဝ်မီးသၢႆၸႂ်တင်းသဵင်ႈ တေလိပ်းၶီးသၢႆၸႂ်ၵႂႃႇ မိူဝ်းၼႃႈၶၢဝ်းယၢဝ်း၊ တႃႇတေႁေႉၵင်ႈ လွင်ႈၼမ်ႉထူမ်ႈၼမ်ႉၼွင်းလႄႈ ၼင်ႇႁိုဝ် တေဢမ်ႇပႅတ်ႈယုၵ်းယၢၵ်းသႂ်ႇ ၼႂ်းၼမ်ႉၸဵမ်ၸိူဝ်းၼႆႉ ၼႆယဝ်ႉ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ