မုၼ်ၸဝ်ႈပူပ်ႉ ၾရင်ႇသိတ်ႈ ဢႃယု 88 ပီ လူႉလွၼ်ႇသဵင်ႈမုၼ်ၵႂႃႇ မိူဝ်ႈၼႆႉ ဝၼ်းတီႈ 21/04/2025 ယၢမ်းၵၢင်ၼႂ်ၸဝ်ႉ 7 မူင်း 35 မိၼိတ်ႉ (ၶၢဝ်းယၢမ်းမိူင်းထႆး မွၵ်ႈ 12 မူင်းၶိုင်ႈ) တီႈႁေႃၶမ်းလူင် ဝႃႊတီႊၵၢၼ်ႊ ဝဵင်းရူမ်ႊ ၸိုင်ႈမိူင်းဢီႊတလီႊၼႆ ၵႃႊတီႊၼႄလ်ႊ ၶီႊဝိၼ်ႊ ၽႃႊရႄႊလ် ၾၢႆႇၵုမ်းပၼ်ႊတႃႊ ငိုၼ်းတွင်း ႁေႃဝႃႊတီႊၵၢၼ်ႊ ပိုၼ်ၽၢဝ်ႇဝႆႉ ၼင်ႇၼႆ။
မၼ်းၸဝ်ႈၼႆႉ ပဵၼ်ၵူၼ်းမိူင်း ဢႃႊၵျိၼ်ႊတီႊၼႃႊ။ ၵူၼ်းမိူင်းလုမ်ႈၾႃႉပွတ်းတႂ်ႈလႄႈ ၵုၼ်တိူၵ်ႈဢမေႊရိၵ ၶဝ်ယွမ်းႁပ်ႉသေ ဢွၼ်ၵၼ်လိူၵ်ႈမၼ်းၸဝ်ႈၶိုၼ်ႈပဵၼ် မုၼ်ၸဝ်ႈပူပ်ႉ (ယႂ်ႇသုတ်းၼႂ်းသႃသၼႃ ၶရိတ်ႉ) ။ မၼ်းၸဝ်ႈ တႄႇႁပ်ႉပုၼ်ႈၽွၼ်းပဵၼ် မုၼ်ၸဝ်ႈပူပ်ႉ ပဵၼ်တၢင်းၵၢၼ်မိူဝ်ႈပီ 2013 ။ မၼ်းၸဝ်ႈၼႆႉ ထုၵ်ႇလိူၵ်ႈၶိုၼ်ႈပဵၼ် မုၼ်ၸဝ်ႈပူပ်ႉတူၼ်ထူၼ်ႈ 226 ၶွင် Roman Catholic Church ။ မုၼ်ၸဝ်ႈပူပ်ႉၼႆႉ ၵိူတ်ႈမိူဝ်ႈဝၼ်းတီႈ 17/12/1936 ၼႆယဝ်ႉ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ