မိူဝ်ႈဝၼ်းတီႈ 16/10/2024 ပူၼ်ႉမႃးၼႆႉ သိုဝ်ႇၶၢဝ်ႇ ၼႂ်းမိူင်းၵူဝ်ႊရီႊယိူဝ်ႊႁွင်ႇ (North Korea) ပိုၼ်ၽၢဝ်ႇ ဢွၵ်ႇမႃးဝႃႈ ၵူၼ်းၼုမ်ႇလုၵ်ႈႁဵၼ်းလႄႈ ၵူၼ်းၸိူဝ်းၶဝ်ႈမႃးၶိုၼ်းၼႂ်းမိူင်းသေ မႃးယိုၼ်ႈတၢင်ႇၶဝ်ႈ ၼႂ်းတပ်ႉသိုၵ်း မီးဝႆႉမွၵ်ႈလၢၼ်ႉသီႇသႅၼ်ၵေႃႉ ဝႃႈၼႆ။
ၵူၼ်းၼုမ်ႇၶဝ်ၼႆႉ တႅပ်းတတ်းၸႂ်ဝႆႉ တေၶဝ်ႈပၢင်တိုၵ်း တေႃႇသူႈလိုပ်ႈတိုၵ်းၽူႈၶဵၼ်ၵႂႃႇၼႆသေ ၸင်ႇယိုၼ်ႈတၢင်ႇၶဝ်ႈႁဵတ်းသိုၵ်းၼႆ တွပ်ႇဝႆႉတီႈသိုဝ်ႇ KCNA ၼင်ႇၼႆ။ ၼႂ်းငဝ်းႁၢင်ႈသဵင် KCNA ၼၼ်ႉၼႄ ပႃးဝႆႉဝႃႈ လုၵ်ႈႁဵၼ်းၵူၼ်း ၼုမ်ႇတင်းၼမ် ဢွၼ်ၵၼ်ပႂ်ႉလူင်းလၢႆးမိုဝ်း တႃႇၶဝ်ႈၼႂ်းတပ်ႉသိုၵ်း မိူင်းၵူဝ်ႊရီႊယိူဝ်ႊႁွင်ႇ။
ၼႂ်းဝူင်ႈဝၢင်ႈၼႆႉ ၵၢၼ်သိုၵ်း မိူင်းၵူဝ်ႊရီႊယိူဝ်ႊၸၢၼ်းတင်း ႁွင်ႇၶဵင်ႈၶႅင်တေႃႇၵၼ် မႃးႁၢဝ်ႈႁႅင်း။ ၽွင်းၼင်ႇၼႆ ၼႂ်း ၶၢဝ်းတၢင်းလၢႆဝၼ်းၼႆႉၵူၺ်း ၵူၼ်းၼုမ်ႇ ဢၼ်မႃးပၼ်သဵၼ်ႈၸိုဝ်ႈ တႃႇႁဵတ်းသိုၵ်းၼႆႉ မီးဝႆႉၼိုင်ႈလၢၼ်ႉပၢႆၼႆ မိူင်းၵူဝ်ႊရီႊယိူဝ်ႊႁွင်ႇ ယိုၼ်ယၼ်လၢတ်ႈၼင်ႇၼႆ။
တီႈၼႂ်းမိူင်းမၢၼ်ႈပတ်းပိုၼ်ႉတႄႉ ယွၼ်ႉသိုၵ်းမၢၼ်ႈ ယိုတ်းမိူင်းတင်း ၸုမ်းယိပ်းၵွင်ႈၵၢင်ႇ တဵၵ်းၶၢၼ်း ၵဵပ်းသိုၵ်းသေ ၵူၼ်းၼုမ်ႇ ၸဵမ်ယိင်းၸဵမ်ၸၢႆး ဢွၼ်ၵၼ်ပၢႆႈဢွၵ်ႇၼွၵ်ႈမိူင်း ၼပ်ႉႁူဝ်မိုၼ်ႇႁူဝ်သႅၼ် – သိုဝ်ႇၶၢဝ်ႇ DVB ဢွၵ်ႇဝႆႉၼင်ႇ ၼႆ။
 ပိုၼ်ၽၢဝ်ႇ ဢွၵ်ႇမႃးဝႃႈ ၵူၼ်းၼုမ်ႇလုၵ်ႈႁဵၼ်းလႄႈ ၵူၼ်းၸိူဝ်းၶဝ်ႈမႃးၶိုၼ်းၼႂ်းမိူင်းသေ မႃးယိုၼ်ႈတၢင်ႇၶဝ်ႈ ၼႂ်းတပ်ႉသိုၵ်း မီးဝႆႉမွၵ်ႈလၢၼ်ႉသီႇသႅၼ်ၵေႃႉ ဝႃႈၼႆ။){kind=link}