Tuesday, May 21, 2024

ၸွမ်ၸိုင်ႈၶႄႇ ဢွၵ်ႇတၢင်းၵႂႃႇမိူင်းယူႊရူပ်ႊ တႃႇလူတ်းယွၼ်ႇ လွင်ႈၶဵင်ႈၶႅင်ၵၢၼ်ၵႃႉၶၢႆ

Must read

ဝၼ်းတိတ်ႉပူၼ်ႉမႃးၼႆႉ ၸွမ်ၸိုင်ႈမိူင်းၶႄႇ သျီၵျိၼ်ႉၽိင် ဢွၵ်ႇၶၢဝ်းတၢင်းၵႂႃႇတၢင်းၵုၼ်တိူၵ်ႈယူႊရူပ်ႊ ၊ ၵူၼ်းပၵ်းတႃၵၢၼ်မိူင်းၶဝ်တႄႉဝႃႈ ပဵၼ်ၶၢဝ်းတၢင်းတႃႇဢုပ်ႇဢူဝ်း လူတ်းယွၼ်ႇ ၵၢၼ်ၵႃႉၶၢႆ ဢၼ်ၶဵင်ႈၶႅင်တေႃႇၵၼ်ဝႆႉယူႇ ၼၼ်ႉ ဝႃႈၼႆ။

ၶၢဝ်းတၢင်းၸွမ်ၸိုင်ႈသျီ ၵမ်းၼႆႉ ၼႂ်း 4 ပီၼႆႉ ပဵၼ်ၶၢဝ်းတၢင်း ၵမ်းႁႅၵ်ႈ ဢၼ်ၶိုၼ်းၵႂႃႇၵုၼ် တိူၵ်ႈယူႊရူပ်ႊ။ ၶၢဝ်းတၢင်းၵမ်းၼႆႉ တေႁိုင် 6 ဝၼ်း ၊ တေဢွၵ်ႇၶၢဝ်းတၢင်း ၵႂႃႇတၢင်းမိူင်း ၾရင်ႇသဵတ်ႈ၊ သႃႊပီႊယႃႊလႄႈ ႁင်ႊၵေႊရီႊ ပႃးဝႃႈၼႆ။

- Subscription -

 ၾၢႆႇၼိုင်ႈယၢမ်းလဵဝ် ၵၢၼ်ႁူမ်ႈသၢင်ႈ မိူင်းဝၼ်းဢွၵ်ႇလႄႈ မိူင်းယူႊရူပ်ႊ ဢၼ်မိူင်းၶႄႇ ဢွၼ်ၼမ်းႁဵတ်းသၢင်ႈယူႇ ယၢမ်းလဵဝ်ၼႆႉ ဢမ်ႇပေႃးၶႂ်ႈပဵၼ်ၵၢၼ်၊ ၸိုင်ႈမိူင်းၸိူဝ်းၶဝ်ႈႁူမ်ႈ ဝႆႉၼၼ်ႉ ထွၼ်တူဝ်ဢွၵ်ႇ ႁင်းၽႂ်မၼ်းၶိူဝ်းယႂ်းယူႇယဝ်ႉလႄႈ တႃႇတေၼႄလုမ်ႈၾႃႉ လွင်ႈဝႃႈ ဢႃႇၼႃႇၸၢၵ်ႇၶႄႈ ဢမ်ႇလူတ်းယွမ်း ၼင်ႇၵူၼ်းတၢင်းၼမ်ထၢင်ႇ။ တိုၵ်ႉႁူမ်ႇငမ်းၼိူဝ် ၸိုင်ႈမိူင်းဝၼ်းဢွၵ်ႇလႄႈ ၵွၼ်ၵၢင်ဢေႊသျႃႊယူႇ- ၶႂ်ႈၼႄၼင်ႇၼႆလႄႈ ၸွမ်ၸိုင်ႈသျီၵျိၼ်ႉၽိင် ၸင်ႇ ၽႅၼ်ၵၢၼ်ၵႂႃႇထိုင် မိူင်းႁင်ႊၵေႊရီႊလႄႈ သႃႊပီႊယႃႊၼႆ Zsuzsa Anna Ferenczy သူႊသႃႊ ဢႅၼ်ႊၼႃႊၾႄႊရႅၼ်ႊသီႊ – ၽူႈလူင်ႉလႅၼ်ႇ ၵၢၼ်ၵပ်းသိုပ်ႇဢီႊယူႊလႄႈ မိူင်းၶႄႇ တီႈၸၼ်ႉၸွမ်တွင်ႊႁႂႃႊ မိူင်းထၢႆႇဝၼ်ႊ ထတ်းသၢင်ၼင်ႇၼႆ။

ဢၢင်ႈဢိင် – VOA

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း