ဝၼ်းတီႈ 25/1/2024  ၸုမ်းသိုၵ်း ဢိတ်ႊၸရေႊယိုဝ်းတိုၵ်း  ဝဵင်းၵႃႊသႃႊ ၵူၼ်းမိူင်း ပႃႊလႅတ့်သတၢႆႊ တၢႆ ဢမ်ႇယွမ်း 20 ၵေႃ့ မၢတ်ႇၸဵပ်းမွၵ်ႈ 150 ၵေႃ့ၼႆ ႁွင်ႈၵၢၼ် ၾၢႆႇယူႇလီ ၸုမ်းႁႃႊမတ့်သ် လၢတ်ႈ။

ၵူၼ်းပႃႊလႅတ့်သတၢႆးၸိူဝ်း မၢတ်ႇၸဵပ်းလူ့တၢႆၼႆႉ ပဵၼ်ၽွင်းၸိူဝ်းၶဝ်ပႂ့်တႃႇလႆႈတၢင်းၸွႆႈထႅမ်တီႈ ၸၢတ်ႈၸိုင်ႈလုမ်ႈၾႃ့ ယူႇဝႃႈၼႆ လႄႈ  ၾၢႆႇၸုမ်းသိုၵ်း ဢိတ်ႊၸရေႊ လၢတ်ႈဝႃႈ တေၶိုၼ်း ၵူတ်ႇထတ်း တူၺ်းလီလီ ဝႃႈၼႆ။

မိူဝ်ႈဝၼ်းပုတ့်ပူၼ့်မႃးၼႆ့ၵေႃႈ မၢၵ်ႇၸုမ်းသိုၵ်းဢိတ်ႊၸရေႊ တူၵ်းတႅၵ်ႇ တီႈႁူင်းႁဵၼ်း ၸၢတ်ႈၸိုင်ႈ လုမ်ႈၾႃ့ ဢၼ်မီးတီႈပွတ်းၸၢၼ်းဝဵင်းၵႃႊသႃႊ  မီးၵူၼ်းလူ့တၢႆ 12 ၵေႃ့ ၊ မၢတ်ႇၸဵပ်း 70 ပၢႆၼႆ ၽူႈမီး ၸၼ့်ၼႂ်းၸုမ်း ၾၢႆႇပႃႊလႅတ့်သတၢႆႊ လၢတ်ႈ။

ယၢမ်းလဵဝ် ၼင်ႇႁိုဝ်ၸုမ်းသိုၵ်းႁႃႊမတ်ႉသ် တေဢမ်ႇယူႇသဝ်းလႆႈ တီႈထုင့်ၵႃႊသႃႊၼၼ့် ၸုမ်းသိုၵ်း ဢိတ်ႊၸရေႊ လေႃႇတိုၵ်းႁၢဝ်ႈႁႅင်း ၊   သူင်ႇႁႅင်းသိုၵ်း  ႁၢင်ႈဝႆႉပႃးထႅင်ႈတၢင်းလိၼ်လႄႈတၢင်းၵၢင်ႁၢဝ်။

တႄႇလိူၼ် ဢွၵ်ႊတူဝ်ႊပိူဝ်ႊ ဝၼ်းတီႈ 7  ၸုမ်းသိုၵ်းႁႃႊမတ့်သ်  လေႃႇတိုၵ်းတီႈပွတ်းၸၢၼ်း ဢိတ်ႊၸရေႊ  မီးၵူၼ်း တၢႆမွၵ်ႈ 1200   ၊ ၵူၼ်းမိူင်းၺႃးတီ့ၺွပ်း မွၵ်ႈ 250 ။

ဝၢႆးၼၼ့် ၾၢႆႇၸုမ်းသိုၵ်းဢိတ်ႊၸရေႊ လေႃႇတိုၵ်းၶိုၼ်းတီႈထုင့်ၵႃႊသႃႊႁၢဝ်ႈႁႅင်း  မီးၵူၼ်း တၢႆမွၵ်ႈ 25000 ပၢႆ ၊ မၢတ်ႇၸဵပ်း 6 မိုၼ်ႇပၢႆယဝ့်ၼႆ  ႁွင်ႈၵၢၼ်ၾၢႆႇပၢႆးယူႇလီ တႂ်ႈၸုမ်း ႁႃႊမတ်ႉသ် ပိုၼ်ၽၢဝ်ႇဝႆ့ ၼင်ႇၼႆ။

ပၢင်တိုၵ်းၸုမ်းသိုၵ်း ႁႃႊမတ်ႉသ်တင်း ဢိတ့်ၸရေႊ  ႁိုင်မႃးၶၢဝ်းတၢင်းၸမ် 5 လိူၼ်ယဝ့်သေတႃ့ တေႃႇထိုင်ယၢမ်းလဵဝ် ယင်းပႆႇယဵၼ်။ သွင်ၾၢႆႇတိုၵ့်ၶဵင်ႈၶႅင်ၵၢၼ်သိုၵ်းတေႃႇၵၼ်ဝႆ့ ႁၢဝ်ႈႁႅင်း။