ဝၢၼ်ႈၵူၼ်း 3 ဝၢၼ်ႈ ဢၼ်မီးၼႂ်းၵႄႈ ၸႄႈဝဵင်းပၢင်းတရႃႉ တင်း ၸႄႈဝဵင်းၵၢတ်ႇလေႃႉ ၸႄႈတွၼ်ႈတူၼ်ႈတီး ၼၼ်ႉ ႁူပ်ႉထူပ်းလွင်ႈယၢပ်ႇၽိုတ်ႇ ၼမ်ႉၵိၼ် ၼမ်ႉၸႂ် တႃႇလင်ႁိူၼ်း မွၵ်ႈ 300 လင် ဝႃႈၼႆ။
ၵဵဝ်ႇၵပ်းလွင်ႈယၢပ်ႇၽိုတ်ႇ ၼမ်ႉၵိၼ် ၼမ်ႉၸႂ်ႉ တႃႇၵူၼ်းမိူင်း ၼႂ်းၸႄႈဝဵင်းပၢင်းတရႃႉ ဢမ်ႇမီးတႃႇၸႂ်ႉတိုဝ်း ၵူၼ်းမိူင်းလႆႈၸႂ်ႉၼမ်ႉၼွင် ဢၼ်ၶၢင်ႉၵိုတ်း ဢၼ်ဝူဝ်း၊ ဢၼ်ၵႂၢႆးၵိၼ်ၼၼ်ႉ ဝႃႈၼႆ။
ဢူးဢွင်ႇသၢၼ်း ႁူဝ်ၼႃႈၸုမ်းၵူၼ်းၼုမ်ႇ ၸိုင်ႈတႆးပွတ်းၸၢၼ်း လၢတ်ႈဝႃႈ “ ၼႂ်းပိုၼ်ႉတီႈၼႆႉ ၾူၼ်ၵေႃႈဢမ်ႇ တူၵ်း/ ဢမ်ႇမႃး၊ ႁဝ်းၶႃႈ ၸုမ်းၵူၼ်းၼုမ်ႇ လႆႈၸႅၵ်ႇပဵၼ်လၢႆၸုမ်းသေ ၸွႆႈထႅမ်။ ၼမ်ႉၼႂ်းမူႇဝၢၼ်ႈ ဢၼ်ၵူၼ်းဝၢၼ်ႈ ၸႂ်ႉတိုဝ်းၵၼ်မႃးၼၼ်ႉ တေႃႈလဵဝ် ၼမ်ႉတႃႇတေၵိၼ် တေၸႂ်ႉ မၼ်းဢမ်ႇပေႃး/ ဢမ်ႇမီး ။ ယၢမ်းလဵဝ် ႁဝ်းၶႃႈ လႆႈ ၸႂ်ႉတိုဝ်း ၼမ်ႉဢၼ်ဝူဝ်းၵႂၢႆး ၵိၼ်ၸႂ်ႉ ၼၼ်ႉၵူၺ်း။ လွင်ႈၼႆႉ တေလႆႈဝႃႈ ပဵၼ်ပၼ်ႁႃ တွၼ်ႈတႃႇၵူၼ်းမိူင်း ထူပ်းတၢင်းယၢပ်ႇၽိုတ်ႇတႄႉတႄႉ” ဝႃႈၼႆ။
ၼႂ်းၸႄႈဝဵင်းပၢင်းတရႃႉၼႆႉ ဝၢၼ်ႈၵူၼ်းဢၼ်ၶၢတ်ႇၼမ်ႉၵိၼ် ၼမ်ႉၸႂ်ႉ ပဵၼ်ၼႂ်းဢိူင်ႇၵူးၵေႃႇ။ လိူဝ်ၼၼ်ႉ ၼႂ်းၸႄႈဝဵင်းၵၢတ်ႇလေႃႉသမ်ႉ ၼႂ်းဢိူင်ႇမေႃႇသၢႆး ၸိူဝ်းၼႆႉ ဝႃႈၼႆ။
ဢၼ်ၼမ်ႉၸႂ်ႉ ၼမ်ႉၵိၼ် ၶၢတ်ႇႁႅင်ႈ မိူဝ်ႈၽွင်းၶၢဝ်းမႆႈၼႆႉ ယူႇတီႈၸုမ်းၵူၼ်းၼုမ်ႇ ၸိုင်ႈတႆးပွတ်းၸၢၼ်း၊ ၸုမ်းၵူၼ်းၼုမ်ႇထၼု ဢွၼ်ၵၼ်သေ ၸွႆႈထႅမ်ၵႂႃႇယူႇသေတႃႉ ယင်းပႆႇပဵင်းပေႃး ဝႃႈၼႆ။
ၶေႃႈမုလ်း – RFA
