Friday, March 29, 2024

ၸုမ်းတႆး USA ၸွႆႈထႅမ်ၵူၼ်းထူပ်းၽေး ၼႂ်းပၢင်တိုၵ်း တီႈဝဵင်း ၼွင်ၶဵဝ်

Must read

တႆးႁွတ်ႈမိူင်း USA ႁူမ်ႈၵၼ် ၸွႆႈထႅမ်ၵူၼ်းထူပ်းၽေးသိုၵ်း ၼႂ်းၸႄႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇ တႃႇငိုၼ်း 51 သႅၼ်ပၢႆ။

တႆး USA ၸွႆႈထႅမ် ၵူၼ်းထူပ်းၽေး ဝဵင်းၼွင်ၶဵဝ်
Photo by – ၸုမ်းတႆး USA/ ၵူၼ်းထူပ်းၽေး ၼႂ်းပၢင်တိုၵ်း ဢၼ်ယူႇတီႈ ၸုမ်းတႆး USA ၵမ်ႉၸွႆႈထႅမ်

ပူၼ်ႉမႃး မိူဝ်ႈဝၼ်းတီႈ 28-29/4/2023 ၼၼ်ႉ တႆးႁွတ်ႈ မိူင်း USA ၵဵပ်းငိုၼ်းၵၼ်သေ ႁူမ်ႈၵၼ် ၸွႆႈထႅမ်မႃး တႃႇ ၵူၼ်း ထူပ်းၽေး ၼႂ်းပၢင်တိုၵ်း တၢင်းၸဵင်ႇႁွင်ႇဝၼ်းတူၵ်း ၸႄႈဝဵင်းၼွင်ၶဵဝ် ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ ၼၼ်ႉ တႃႇ ငိုၼ်း 5,130,000 ပျႃး ၼႆယဝ်ႉ။

- Subscription -

ငိုၼ်းတီႈလႆႈၸွႆႈထႅမ်ပၼ်ၼၼ်ႉ မိူၼ်ၼင်ႇ တီႈဝၢၼ်ႈသၢၼ်ႇၽူဝ်ႇ မုင်ႉႁေႃႁိူၼ်း လင်ၼိုင်ႈ ဢၼ်ၺႃးၸၢၵ်ႇမၢၵ်ႇ သိုၵ်း မၢၼ်ႈ တူၵ်းသႂ်ႇသေ တိူဝ်ႉသႂ်ႇလုၵ်ႈဢွၼ်ႇ ဢႃယု 11 လိူၼ်လူႉတၢႆ ၵေႃႉၼိုင်ႈလႄႈ လုၵ်ႈယိင်း ဢႃယု 14 ပီ လူႉတၢႆ ၵေႃႉၼိုင်ႈ။ ၵေႃႉပဵၼ်ပေႃႈမႄႈ လႆႈတိူဝ်ႉမၢတ်ႇၸဵပ်း သူင်ႇယႃတူဝ်ဝႆႉတီႈႁူင်းယႃ ပၢင်ႇဢူးၼၼ်ႉ လႆႈၸွႆႈထႅမ် ငိုၼ်း 10 သႅၼ်ပျႃး။

တႆး USA ၸွႆႈထႅမ် ၵူၼ်းထူပ်းၽေး ဝဵင်းၼွင်ၶဵဝ်
Photo by – ၸုမ်းတႆး USA/ ၵူၼ်းထူပ်းၽေး ၼႂ်းပၢင်တိုၵ်း ဢၼ်ယူႇတီႈ ၸုမ်းတႆး USA ၵမ်ႉၸွႆႈထႅမ်

လိူဝ်ၼၼ်ႉ ၸွႆႈထႅမ် ၵူၼ်းပၢႆႈၽေးသိုၵ်း ဢၼ်ပၢႆႈမႃးသွၼ်ႈဝႆႉတီႈဝတ်ႉႁူဝ်ၶူဝ် ၶၢဝ်းယၢမ်းသိပ်းဝၼ်းပၢႆၼၼ်ႉ လႆႈသိုဝ်ႉၶဝ်ႈ ၼမ်ႉ၊ တၢင်းၵိၼ်၊ ယႃႈယႃ တႃႇ 10 သႅၼ်ပျႃး။ ယဝ်ႉၵေႃႈ ၸွႆႈထႅမ် ၸၢႆးသၢင်ႇၸူဝ်း ၵူၼ်းဝၢၼ်ႈၵုင်းသႃႇ တိူဝ်ႉ ၺႃးမၢၵ်ႇလူင် တီႈပုမ်သေ ယၢမ်းလဵဝ် လႆႈယူတ်းယႃတူဝ်ဝႆႉ တီႈႁူင်းယႃ တပ်ႉသိုၵ်း ဝဵင်းပၢင်ႇဢူး ၸွႆႈထႅမ်ငိုၼ်း 370,000 ပျႃး။

ယဝ်ႉၵေႃႈ ၸွႆႈထႅမ်ႁိူၼ်းယေး ၵူၼ်းဝၢၼ်ႈႁူဝ်ၶၢႆး ဢၼ်လႆႈလူႉၵွႆၵႂႃႇ ယွၼ်ႉမၢၵ်ႇလူင်တူၵ်းသႂ်ႇ 20 လင်။ ၼႂ်းၼၼ်ႉ ဢၼ်တိူဝ်ႉ ယႂ်ႇသုမ်းလူင် 12 လင်။ ၼႂ်း 12 လင်ၼၼ်ႉ ဢၼ်တိူဝ်ႉၺႃးမၢၵ်ႇ လူႉၵွႆသုမ်းယႂ်ႇလူင်သမ်ႉ ႁိူၼ်းပႃႈၶမ်း ၵမ်ႉၸွႆႈ 4 သႅၼ်ပျႃး၊ ၸၢႆးၸဵင်ႇလိၼ်း 4 သႅၼ်၊ ၸၢႆးၶိူဝ်းလႅင်း 4 သႅၼ်။ ႁိူၼ်းဢၼ်လူႉသုမ်းပၢၼ်ၵၢင်သမ်ႉ ႁိူၼ်းလုင်း ဢုင်းၽေႇ ၵမ်ႉၸွႆႈ 2 သႅၼ် ပျႃး၊ လုင်းသၢင်ႇမၢႆ 2 သႅၼ်၊ လုင်းဢႃႇၸိင်ႇၼႃႉ 2 သႅၼ်၊ ပႃႈလႃႉပူင်ႇ 2 သႅၼ်၊ ပႃႈဢုင်း ၸိင်ႇ 2 သႅၼ်။ ႁိူၼ်းဢၼ်လႆႈလူႉ သုမ်း ဢမ်ႇပေႃးႁၢဝ်ႈႁႅင်းသမ်ႉ ႁိူၼ်းလုင်းသူႉၸေႇယႃႉ ၵမ်ႉၸွႆႈ 150,000 ပျႃး။ လုင်းသၢင်ႇၶမ်းၵျႃႇ 150,000 ပျႃး။

ၼွၵ်ႈလိူဝ်ၼၼ်ႉ ၸွႆႈထႅမ် ပူႇပၢၼ်း လုင်းဝႃႇယႃႇမႃႉ ဢၼ်ယဵပ်ႇၺႃးမၢၵ်ႇသေ လႆႈၵႂႃႇယႃတူဝ်တီႈႁူင်းယႃတပ်ႉသိုၵ်း ဝဵင်းပၢင်ႇဢူးၼၼ်ႉ တႃႇငိုၼ်း 2 သႅၼ်။ ယဝ်ႉၵေႃႈ ၵႃႈၸရိတ်ႈတၢင်း ၽူႈႁပ်ႉပုၼ်ႈၽွၼ်း ၵႂႃႇၸွႆႈထႅမ် ၸိူဝ်းၼၼ်ႉထႅင်ႈ ၼႆယဝ်ႉ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း