ၼွင်ႉတွမ်း ၻူင်ႊၽဵတ်ႊ ၽရူမ်ႊထဵပ်ႉ ဢႃယု 18 ပီ လုၵ်ႈၸုမ်း မူပႃႇ 13 ၵေႃႉ ဢၼ်ၶမ်ထမ်ႈ ၼၢင်းၼွၼ်း ဝဵင်းၵဵင်းႁၢႆး မိူဝ်ႈပူၼ်ႉမႃး 5 ပီၼၼ်ႉ လူႉသဵင်ႈၽွင်းမၼ်းၸၢႆး တိုၵ်ႉၵႂႃႇႁဵၼ်းလိၵ်ႈ တီႈမိူင်းဢိင်းၵလဵတ်ႈ။
မႄႈထဝ်ႈမၼ်းၸၢႆး လၢတ်ႈတီႈ မုၼ်ၸဝ်ႈၵႂႃႇတုင်းသွမ်းတီႈႁိူၼ်း ၵဵင်းႁၢႆး ဝၼ်းတီႈ 15 ယၢမ်းၵၢင်ၼႂ် ဝႃႈ မၼ်းၸၢႆး လူမ်ႉ ႁူဝ်ၽတ်ႉပိုၼ်ႉလႄႈ ၵိုင်ႉၵၢင်ႉလူႉတၢႆၵႂႃႇ ဝၼ်းတီႈ 14 (ၶၢဝ်းယၢမ်းမိူင်းဢိင်းၵလဵတ်ႈ) ယဝ်ႉဝႃႈၼႆ။
ၼွင်ႉတွမ်း ၼႆႉ ၵတ်ႉၶႅၼ်ႇၾၢႆႇႁဵၼ်းလိၵ်ႈလၢႆးၵူၺ်းဢမ်ႇၵႃး ပဵၼ်ၵူၼ်းၶတ်းၸႂ်ၼႂ်းၵၢၼ်ပိတ်ႉ မၢၵ်ႇၼင် လႄႈ ပီၵၢႆ 2022 လိူၼ်ဢေႃႊၵတ်ႉသ်ၼႆႉ ယူႇတီႈ သီးၵူဝ်ႉ ၾွင်ႊတေႊသျိၼ်း ႁႃလၢႆးတၢင်း ၵမ်ႉၸွႆႈ သူင်ႇ ၵႂႃႇႁဵၼ်းလိၵ်ႈ တီႈမိူင်းဢိင်းၵလဵတ်ႈဝႆႉ။
