ၸၼ့်ၸွမ်မႁႃၸူးလႃးလူင်းၵွၼ်း ဝင်းၼွႆႉ ဢယုတ်ႉထယႃး ၸတ်းႁဵတ်းပၢင်မွပ်ႈဝႂ်ၸုမ်ႈၶူး M.A,B.A လုၵ်ႈႁဵၼ်းတႆး(သင်ၶလႄႈၵူၼ်းႁိူၼ်း) ၸုပ်ႈထိ 14။
မိူဝ်ႈဝၼ်းတီႈ 11/12/2022 ဝၼ်းတိတ့် ၽူႈပွင်ၵၢၼ်လႄႈ သင်ၶတႆး ၸတ်းႁဵတ်းပၢင် ယုၵ်ႉယွင်ႈလုၵ်ႈႁဵၼ်းတႆးၸိူဝ်းလႆႈဝႂ်ႁပ်ႉၸုမ်ႈၶူး M.A လႄႈ B.A ၸုပ်ႈထိ 14 တီႈ ၸၼ့်ၸွမ်မႁႃၸူးလႃးလူင်းၵွၼ်း ဝင်းၼွႆႉ ဢယုတ်ႉထယႃး၊မိူင်းၵွၵ်ႇ ၸိုင်ႈထႆး။
ၼႂ်းပၢင်ယုၵ်ႉယွင်ႈၼႆ့ မီးဝႆ့ 2 ၶၵ့်တွၼ်ႈ တွၼ်ႈၵၢင်ၼႂ် မီးၶပ်းမၢႆႁူမ်ၸူမ်းပီမႂ်ႇတႆး 2117 ၼီႈ။တွၼ်ႈဝၢႆးဝၼ်းသမ့် ႁူမ်ၸူမ်းသင်ၶတႆးလႄႈလုၵ်ႈႁဵၼ်းၸိူဝ်းလႆႈႁပ့်ၸုမ်ႈၶူး။
ၼႂ်းတွၼ်ႈႁူမ်ၸူမ်းပီမႂ်ႇတႆး 2117 ၼၼ့် မီးၶူးပိုၼ်ၶမ်း( ၵဵင်းတုင်) မႃးတၢၼ်ႈၶႆႈပၼ်တၢင်းႁူ့ ဢၼ်ၵဵဝ်ႇလူၺ်ႈ လၢႆးၼပ့်ပီ၊လိူၼ်၊ဝၼ်းတႆး လႄႈ ၸဝ်ႈတူၼ်ၶူးလူင် ၸဝ်ႈသြႃႇမႁႃၺႃၼိင်တ(ၽူႈၵွၼ်းဝတ့်မႂ်ႇတႆး၊တီႈၵိူဝ်းၵုမ်သင်ၶတႆး) ႁူမ်ႈတင်းၸဝ်ႈၶူး Dr.သႅင်ႁိူင်း ၼရိၼ်တ(တီႈၵိူဝ်းၵုမ်လူင်သင်ၶတႆး) လႆႈမႃးပိုတ်ႇပၢင်လႄႈ ပဵၼ်ၽူႈၼင်ႈၸိုင်ႈပၢင်။
ၸၼ့်ၸွမ်မႁႃၸူးလႃးလူင်းၵွၼ်း ဝင်းၼွႆႉ ဢယုတ်ႉထယႃး ၼႂ်းပီၼႆ့ ၽူႈႁပ့်လႆႈၸုမ်ႈၶူး ၸင်းမူတ်းမီး 33 ၼႂ်းၼၼ့်မီး သင်ၶ 28 တူၼ်လႄႈ ၵူၼ်းႁိူၼ်း 5 ၵေႃ့။ ၼႂ်းၼၼ့် ဢၼ်လႆႈႁပ့်ၸုမ်ႈ M.A မီး 3 တူၼ်၊ B.A မီး 30 တူၼ်/ၵေႃ့။
ပီ 2022 ၼႆ့ တီႈၸၼ့်ၸွမ်မႁႃၸူးလႃးလူင်းၵွၼ်း ၵဵင်းမႆႇၼၼ့်ၵေႃႈ လုၵ်ႈႁဵၼ်းတႆး ၸိူဝ်းလႆႈႁပ့်ၸုမ်ႈၶူး B.A ႁူမ်ႈၵၼ်တင်းမူတ်းမီး 11 ၵေႃ့ ၼႂ်းၼၼ့် သင်ၶႃႇၸဝ်ႈ 8 တူၼ် လႄႈ ၵူၼ်းႁိူၼ်း 3 ၵေႃ့။
ၸၼ့်ၸွမ်မႁႃၸူးလႃးလူင်းၵွၼ်း မႁႃဝိထယႃးလႆးသင်ၶၸဝ်ႈ ၸႄႈဝဵင်းလမ်းပုၼ်းၼၼ့်ၵေႃႈ လုၵ်ႈႁဵၼ်း ဢၼ်လႆႈႁပ့်ၸုမ်ႈၶူးပီၼႆ့ တင်းသဵင်ႈမီး12 ၵေႃ့ ။ ၼႂ်းၼၼ့် မီးသင်ၶၸဝ်ႈ 10 တူၼ် လႄႈ ၵူၼ်းႁိူၼ်း 2 ၵေႃ့ ။ ၽူႈလႆႈႁပ့်ၸုမ်ႈၶူး M.A မီး 4 တူၼ်၊ ၽူႈလႆႈႁပ့်ၸုမ်ႈၶူး B.A မီးသင်ၶၸဝ်ႈ 6 တူၼ် လႄႈ ၵူၼ်းႁိူၼ်းသွင်ၵေႃ့။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ