ၾၢႆႇပႃႇမႆႉ တီႉလႆႈမႆႉၵႃႈၶၼ်ယႂ်ႇ ၵူၺ်းဢမ်ႇပႆႇတီႉလႆႈၸဝ်ႈၶွင်

ႁွင်ႇၵၢၼ်ၾၢႆႇပႃႇမႆႉ ပိုၼ်ၽၢဝ်ႇ တီႉလႆႈမႆႉၵႄႇတွၵ်ႈတင်း မႆႉသၵ်း 60 တၼ်ႊပၢႆ ၼႂ်းၸႄႈဝဵင်းမၢၼ်ႈပဵင်း ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ ၵူၺ်းၵႃႈ ၸဝ်ႈၶွင်တႄႉ ဢမ်ႇတီႉလႆႈ ဝႃႈၼႆ။

ပူၼ်ႉမႃး မိူဝ်ႈဝၼ်းတီႈ 10/03/2018 ယူႇတီႈပလိၵ်ႈၾၢႆႇပႃႇမႆႉသေ ႁူမ်ႈၵၼ် ၵႂႃႇၵူတ်ႇထတ်းတီႉလႆႈမႆႉၵႄႇတွၵ်ႈတင်း မႆႉသၵ်း ဢၼ်ဢမ်ႇၶဝ်ႈပဵၼ်တၢင်းၵၢၼ် မူၵ်းယုမ်းဝႆႉ ၼႂ်းၸႄႈဝဵင်းမၢၼ်ႈပဵင်း ၸႄႈတွၼ်ႈၵျွၵ်ႉမႄး ၸိုင်ႈတႆး ပွတ်းႁွင်ႇ။ တင်းမူတ်းတီႉလႆႈ မႆႉ 61.3936 တၼ်ႊ ဝႃႈၼႆ။

ယၢမ်းလဵဝ် တီႉမႆႉၼႆသေ ယူႇတီႈၾၢႆႇၸဝ်ႈၼႃႈတီႈပလိၵ်ႈ ၸွမ်းသွၵ်ႈႁႃ ၽူႈၵဵဝ်ႇၶွင်ႈမႆႉသေ မႃးပၼ် တူတ်ႈတၢမ်ႇ ၸွမ်းၼင်ႇပၵ်းပိူင်မၢႆမီႈ ၸိုင်ႈမိူင်းမီးၼၼ်ႉ ဝႃႈၼႆ။

ၶေႃႈမုလ်း – ဆင်ဟွာ သတင်း