ၸဝ်ႈၼႃႈတီႈႁူမ်ႇလူမ်ႈလႅၼ်လိၼ်ထႆး ၸေႈဝဵင်းဝဵင်းႁႅင် ၸေႈတွၼ်ႈၵဵင်းမႆႇၸိုင်ႈထႆး တီႉလႆႉယႃႈမႃႉ 11 ပိူဝ်ႉ ဢၼ်လုၵ်ႉတၢင်းလိၼ်မိူင်းထႆး လတ်းၶဝ်ႈမႃးမိူင်းထႆးဝႃႈၼႆ။
ဝၼ်းတီႈ 29/5/2020 ယၢမ်းၵၢင်ၼႂ်ၸဝ်ႉမိူင်းပႆႇလႅင်း ၵူၼ်းပိူဝ်ႉထူင်ယႃႈမီးမွၵ်ႈ 8 ၵေႃႉထိုင် 10 ၵေႃႉ လတ်းထိူၼ်ႇၶၢမ်ႈၶဝ်ႈ ၼႂ်းလိၼ်ထႆး ႁိမ်းဝၢၼ်ႈႁိၼ်တႅဝ်း မူႇ 6 ဢိူင်ႇပဵင်းလူင်ၼၼ်ႉ ႁိုၵ်ႉၺႃးသႂ်ႇ ၸဝ်ႈၼႃႈတီႈထႆး၊ ၽွင်း ၾၢႆႇထႆးသင်ႇၵိုတ်း ၸိူဝ်းၶဝ်ၼႅတ်ႈဝိုတ်ႉထူင်ယႃႈပႅတ်ႈသေ လႅၼ်ႈပၢႆႈ။
ၶၢဝ်ႇထႆး ၵဵင်းမႆႇၼိဝ်းသ် ဢွၵ်ႇဝႆႉဝႃႈ တပ်ႉႁူမ်ႇလူမ်ႈလႅၼ်လိၼ်ထႆး ႁၼ်မႅၼ်ႈထူင်ယႃႈ 3 ထူင်တူၵ်းဝႆႉ ။ ဝၢႆးၼၼ်ႉ ၶိုၼ်းသိုပ်ႇထႅမ်ႁႅင်းၵူၼ်း ၶူၼ်ႉသွၵ်ႈၼႂ်းပိုၼ်ႉတီႈ ႁိမ်းႁွမ်းၼၼ်ႉ ထူပ်းႁၼ်ထႅင်ႈ ထူင်ယႃႈ 8 ထူင် ။ ၸဝ်ႈၼႃႈတီႈထႆးတီႉလႆႈထူင်ယႃႈ 11 ထူင်၊ ယႃႈမႃႉတင်းမူတ်း 2,100,000 မဵတ်ႉ။ ၵူၼ်းပိူဝ်ႉယႃႈတႄႉ ဢမ်ႇတီႉလႆႈသေၵေႃႉ ဝႃႈၼႆ။
Credit to Chiangmai News
