ႁိူဝ်းမိၼ် Ukraine International မိူင်း ယူႇၵရဵၼ်ႊ လုၵ်ႉတီႈပၢင်ႇႁိုဝ်းမိၼ် မိူင်းဢီႊရၢၼ်ႊ ၶိုၼ်ႈမိူဝ်ႈဝၼ်းတီႈ 8/1/2020 မိူဝ်ႈၼႆႉၵၢင်ၼႂ် တူၵ်းၼႂ်းမိူင်းဢီႊရၢၼ်ႇ ၵူၼ်းၶီႇၸွမ်း ႁိမ်း 200 ဢမ်ႇလွတ်ႈသေၵေႃႉ။
ၸုမ်းၶႂၢႆႇၶႃပႄလႅင် မိူင်းဢီႊရၢၼ်ႊလၢတ်ႈတီႈၶၢဝ်ႇ AFP ဝႃႈ – “ပဵၼ်ၶိူင်ႈမိၼ် ပူဝ်ႊဢိင်ႊ PS 752 ။ လုၵ်ႉတီႈၶူင်ႇႁိူဝ်းမိၼ် တီႊႁီႊရၼ်ႊ သေမိၼ်ၶိုၼ်ႈဢမ်ႇပေႃးႁိုင်ၵေႃႈတူၵ်းမႃးၶိုၼ်း။ ၵူၼ်းဢၼ်မီးၼႂ်းၶိူင်ႈမိၼ် ဢမ်ႇလွတ်ႈသေၵေႃႉ” – ဝႃႈၼႆ။
ၾၢႆႇသၢႆၵၢၼ်မိၼ်တႄႉပိုၼ်ၽၢဝ်ႇဝႃႈ ပဵၼ်ယွၼ်ႉၶိူင်ႈၸၢၵ်ႈၵွႆ ၊ ၵၢၼ်ၵပ်းသိုပ်ႇ တိတ်းတေႃႇၶၢတ်ႇၵႂႃႇသေ ၶိူင်ႈမိၼ်လႆႈၶၢတ်ႇတူၵ်း ဝႃႈၼႆၵူၺ်း။
ၶိူင်ႈမိၼ်လမ်းၼႆႉ လုၵ်ႉတီႈၶူင်ႇႁိူဝ်းမိၼ် ဢီႊမၼ်ႊၶူဝ်ႊမေႊၼီႊ ဝဵင်းတီႊႁီႊရၼ်ႊသေ တေၵႂႃႇလူင်းတီႈ ဝဵင်းၵိယႅပ်ႉ မိူင်းယူႇၵရဵၼ်း ။ ပဵၼ်ဝၢႆးလင် သိုၵ်းဢီႊရၢၼ်ႊ ယိုဝ်းထၢၼ်တပ်ႉလူမ်းဢမေႊရိၵၼ်ႊ ဢၼ်ပၵ်းတီႈမိူင်းဢီႊရၵ်ႉ ယဝ်ႉမွၵ်ႈ 2 ၸူဝ်ႈမူင်း ။
ၶိူင်ႈမိၼ်ၼႆႉ ပဵၼ်ၶိူင်ႈမိၼ်သႅၼ်း ဢၼ်မီးၸၢၵ်ႈဢိၼ်ႊၵျိၼ်ႊ 2 လုၵ်ႈ။ ၶိူင်ႈမိၼ်သႅၼ်းၼႆႉ တႄႇလႄႉၵၼ်ၸႂ်ႉမႃး မိူဝ်ႈပီ 1990 ။ ပဵၼ်ၶိူင်ႈမိၼ်သႅၼ်းဢၼ်မေႃႊတႄလ်ႊ တႅမ်ႇလိူဝ်ၶိူင်ႈမိၼ် ပူဝ်ႊဢိင်ႊ 737 မႅၵ်ႉသ် ဢၼ်ၺႃးလုမ်ႈၾႃႉ ႁၢမ်ႈမိၼ်ဝႆႉ- လႆႈႁူႉၼင်ႇၼႆ ။
ဢိင်ၶေႃႈမုလ်း -MMTime, MM Live News,AFP
