Friday, March 29, 2024

ပီႈၼွင်ႉၵူၼ်းမိူင်းယူႉ ပိုတ်ႇပၢႆႉၶဝ်ႈဝဵင်း ဢၼ်မီးပႃးလိၵ်ႈတႆး

Must read

ပီႈၼွင်ႉၵူၼ်းမိူင်းယူႉ ၸေႈဝဵင်းၵူတ်ႉၶၢႆ ႁူမ်ႈၵၼ်ၵေႃႇသၢင်ႈပၢႆႉၶဝ်ႈဝဵင်း ဢၼ်ပႃးၸိုဝ်ႈဝဵင်းတူဝ်လိၵ်ႈတႆး ၸတ်းပၢင်ပိုတ်ႇပၢႆႉ ၵူၼ်းၵိုၼ်းၶွၼ်ႈလီ။

Photo Credit to Mong Yu Youth- ပီႈၼွင်ႉၵူၼ်းမိူင်းယူႉ ပိုတ်ႇပၢႆႉၶဝ်ႈဝဵင်း ဢၼ်မီးပႃးလိၵ်ႈတႆး 29/9/2019

ဝၼ်းတီႈ 29/9/2019 ပီႈၼွင်ႉၵူၼ်းမိူင်းယူႉ ၸတ်းပၢင်ပိုတ်ႇပၢႆႉၶဝ်ႈဝဵင်း မီးၽူႈယႂ်ႇၵူၼ်းလူင် ၼႂ်းဝၢၼ်ႈ ၼႂ်းဢိူင်ႇမႃးၶဝ်ႈႁူမ်ႈ။

- Subscription -
Photo Credit to Mong Yu Youth- ပီႈၼွင်ႉၵူၼ်းမိူင်းယူႉ ပိုတ်ႇပၢႆႉၶဝ်ႈဝဵင်း ဢၼ်မီးပႃးလိၵ်ႈတႆး 29/9/2019

ၸၢႆးၸၢႆး ၵူၼ်းမိူင်းယူႉ လၢတ်ႈဝႃႈ -“ ပၢႆႉၼႆႉ မီးႁိမ်းတၢင်းၵႃးလူင် မူႇၸေႈ- လႃႈသဵဝ်ႈ။ မီးၽူႈယႂ်ႇၵူၼ်းလူင်ၼႂ်းထုင်ႉမိူင်းယုၼႆႉ ၶဝ်ႈႁူမ်ႈ။ မီးပီႈၼွင်ႉ တီႈၸမ်တီႈၵႆ မႃးၶဝ်ႈႁူမ်ႈ 200 ပၢႆ။ ၶပ်းမၢႆတႄႉၵေႃႈမီးၵႅတ်းမႆလၢႆႈပိုတ်ႇပၢႆႉ ဢၼ်တႅမ်ႈလိၵ်ႈတႆး ဝႆႉဝႃႈ -မႂ်ႇသုင်မိူင်းယူႉ ႁပ်ႉတွၼ်ႈယူႇၶႃႈ – ၼႆၼၼ်ႉသေ ၵႃႈပၼ်ႇၵွင်။ ” – ဝႃႈၼႆ။

Photo Credit to Mong Yu Youth- ပီႈၼွင်ႉၵူၼ်းမိူင်းယူႉ ပိုတ်ႇပၢႆႉၶဝ်ႈဝဵင်း ဢၼ်မီးပႃးလိၵ်ႈတႆး 29/9/2019

ပၢႆႉတၢင်းၶဝ်ႈမိူင်းယူႉၼႆႉ ၵူၼ်းၼုမ်ႇမိူင်းယူႉလႄႈ ပေႃႈၾႃႉမႄႈမိူင်း ၵူၼ်းမိူင်းယူႉ ၊ ပၢင်ႇလေႃႉလႆႈႁူမ်ႈငိုၼ်းတွင်းသေ ၵေႃႇသၢင်ႈမႃး ၵႃႈၸႂ်ႉၸၢႆႇ သဵင်ႈၵႂႃႇ 15 သႅၼ်ပျႃး။ တႄႇၵေႃႇသၢင်ႈၼႂ်းဝၼ်းတီႈ 28/7/2019 တေႃႇထိုင် ဝၼ်းတီႈ 6/9/2019 ။ ဢဝ်ၶၢဝ်းယၢမ်းၵေႃႇသၢင်ႈလိူၼ်ပၢႆ။

Photo Credit to Mong Yu Youth- ပီႈၼွင်ႉၵူၼ်းမိူင်းယူႉ ပိုတ်ႇပၢႆႉၶဝ်ႈဝဵင်း ဢၼ်မီးပႃးလိၵ်ႈတႆး 29/9/2019

မိူဝ်ႈပီ 2016 လိူၼ်ၵျုၼ်ႊၼၼ်ႉ ၽွင်းလူင်ၾၢႆႇလိူမ်ႈလႆႇ လူင်ပွင်ၸိုင်ႈမိူင်းတႆး ပိုၼ်ၽၢဝ်ႇဝႃႈ  ပၢႆႉၶဝ်ႈဝဵင်း ဢွၵ်ႇဝဵင်းၼႂ်းမိူင်းတႆး တႅမ်ႈလိၵ်ႈၸၢဝ်းၶိူဝ်းပႃးၵေႃႈလႆႈ။ၵူၺ်းၵႃႈ တေလႆႈပႃးလိၵ်ႈမၢၼ်ႈ ဝႃႈၼႆဝႆႉ။ ၼႂ်းမိူင်းတႆး ၼႂ်းပီ 2019 ၼႆႉလၢႆလၢႆၸေႈဝဵင်း  ပႃးၸဵမ် ၼမ်ႉလၼ်ႈ ၊ သီႇပေႃႉ ၊ လၢႆးၶႃႈ  ၸိူဝ်းၼႆႉ ၵေႃႈလႆႈႁဵတ်းပၢႆႉ ၶဝ်ႈ/ဢွၵ်ႇဝဵင်း ဢၼ်ပႃးတူဝ်လိၵ်ႈတႆး။

Photo Credit to Mong Yu Youth- ပီႈၼွင်ႉၵူၼ်းမိူင်းယူႉ ပိုတ်ႇပၢႆႉၶဝ်ႈဝဵင်း ဢၼ်မီးပႃးလိၵ်ႈတႆး 29/9/2019

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း