Friday, March 29, 2024

ၵူၼ်းမိူင်းသီႇပေႃႉ ၵေႃႉၼိုင်ႈ ယဵပ်ႇၺႃးမၢၵ်ႇ

Must read

ၵူၼ်းဝၢၼ်ႈတူၼ်ႈၵႅင်း ဢိူင်ႇၼႃးမၢၵ်ႇၶေႃ ယဵပ်ႇၺႃးမၢၵ်ႇၾင်လိၼ်လုၵ်ႈၼိုင်ႈ တႅၵ်ႈၽူင်ႉသႂ်ႇသေ လႆႈမၢတ်ႇၸဵပ်း ဝႃႈၼႆ။

Photo by – Shar Htat Paing/ ၸၢႆးဢႅၼ် ဢႃယု19 ပီ ဢၼ်ယဵပ်ႇၺႃးမၢၵ်ႇ တီႈၼႂ်းသူၼ်

ဝၼ်းတီႈ 20/05/2019 ယၢမ်းၵၢင်ၼႂ် မွၵ်ႈ 7 မူင်းပၢႆၼၼ်ႉ ၸၢႆးဢႅၼ် ဢႃယု 19 ပီ ပဵၼ်ၵူၼ်းဝၢၼ်ႈတူၼ်ႈၵႅင်း ၵႂႃႇတီႇသူၼ် မၼ်းၸၢႆး ဢၼ်မီးဝႆႉတၢင်းၾၢႆႇႁွင်ႇ ဝၢၼ်ႈတူၼ်ႈၵႅင်း ဢိူင်ႇၼႃးမၢၵ်ႇၶေႃ ၸႄႈဝဵင်းသီႇပေႃႉ ၸႄႈတွၼ်ႈၵျွၵ်ႉမႄး ၸိုင်ႈတႆး ပွတ်းႁွင်ႇ။ မၢၵ်ႇၾင်လိၼ်ၼၼ်ႉ လႆႈတႅၵ်ႇၽူင်ႉသႂ်ႇ ၸွမ်းတူဝ်မၼ်းၸၢႆး လႆႈမၢတ်ႇၸဵပ်းသေ လႆႈသူင်ႇယူတ်းယႃတူဝ်ဝႆႉ တီႈ ႁူင်းယႃသီႇပေႃႉ ဝႃႈၼႆ။

- Subscription -

ၽူႈတူင်ႉၼိုင် ၼႂ်းပႃႇတီႇႁူဝ်သိူဝ် ၸႄႈဝဵင်းသီႇပေႃႉ ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ “ မၼ်းၸၢႆးလႆႈတိူဝ်ႉတီႈၶႃ၊ ၵွင်း လင်လႄႈ ဝၢင်ႈၶႃၸိူဝ်းၼႆႉ 3 တီႈၼႆႉၶႃႈ။ တေႃႈလဵဝ်တႄႉ လႆႈသူင်ႇယူတ်းယႃတူဝ်ဝႆႉတီႈႁူင်းယႃသီႇပေႃႉယဝ်ႉ။ ဢမ်ႇ လႆႈ မႆႈၸႂ်သင်ယဝ်ႉၶႃႈ။ ၵမ်ႉမႃးႁဝ်းၶႃႈ ၸုမ်းပႃႇတီႇႁူဝ်သိူဝ်ႁဝ်းၶႃႈ တေၵႂႃႇသူႇၸႂ်းၵမ်ႉၸွႆႈမၼ်းၸၢႆးဢေႃႈ”ဝႃႈၼႆ။

ၸၢႆးဢႅၼ် ဢႃယု 19 ပီ ပဵၼ်လုၵ်ႈၸၢႆးလုင်းပၢင်ႇ ပဵၼ်ၵူၼ်းၸႃတိ ဝၢၼ်ႈၶၢႆးႁဵဝ်းသေ မႃးၶိုၼ်ႈၶူၺ်တီႈဝၢၼ်ႈတူၼ်ႈၵႅင်း တၼ်းလႆႈမွၵ်ႈ 2 ပီ ၵေႃႉပဵၼ်မေးၼၢင်း မၼ်းၸၢႆးသမ်ႉ ၸိုဝ်ႈႁွင်ႉ ၼၢင်းသႅင်မွၼ်း ဝႃႈၼႆ။

Photo by – Shar Htat Paing/ ၸၢႆးဢႅၼ် ဢႃယု 19 ပီ ဢၼ်ယဵပ်ႇၺႃးမၢၵ်ႇတီႈၼႂ်းသူၼ်

ၵူၼ်းဝၢၼ်ႈၼႂ်းဢိူင်ႇၼႃးမၢၵ်ႇၶေႃႈ လၢတ်ႈတီႈၽူႈတွႆႇႁွၵ်ႈဝႃႈ “ မၢၵ်ႇၼႆႉ မၼ်းပဵၼ်ၽႂ်ၸုမ်းလႂ် ႁၢင်ႈၵၢင်ဝႆႉဢၼ်ဝႃႈၼၼ်ႉ ဢမ်ႇႁူႉၶႃႈ။ မၢၵ်ႇၼႆႉ ၶဝ်ဢမ်ႇ ထွၼ်ဢွၵ်ႇ ပွႆႇဝႆႉႁဵတ်းၼၼ်ထၢင်ႇတႄႉ(ဢမ်ႇၼၼ်) ၵေႃႈ ၶဝ်လိုမ်းထွၼ်ႁိုဝ်ၵေႃႈဢမ်ႇႁူႉ။ မိူဝ်ႈႁူဝ်ပီၼႆႉမႃး သိုၵ်းတႆးႁဝ်း တင်း 2 ၸုမ်း တူင်ႉၼိုင်ၵႂႃႇမႃး ပိုတ်းယိုဝ်းၵၼ်ႁၢဝ်ႈႁႅင်းၼႃႇၶႃႇလူး တၢင်းပွတ်းႁဝ်းၼႆႉ” ဝႃႈၼႆ။

မိူဝ်ႈႁူဝ်ပီ 2019 သိုၵ်းတႆး 2 တပ်ႉ ယိုဝ်းၵၼ် ၼႂ်းဢိူင်ႇၼႃးမၢၵ်ႇၶေႃ ႁၢဝ်ႈႁႅင်း ၵူၼ်းဝၢၼ်ႈၼပ်ႉႁူဝ်ပၢၵ်ႇ/ ႁူဝ်ႁဵင် လႆႈပၢႆႈ ယၢၼ်ႁိူၼ်းယေး။ မၢၵ်ႇၼႆႉၵေႃႈဢမ်ႇၸႂ်ႈၸုမ်းၼိုင်ႈၵေႃႈတိုၼ်းပဵၼ်ၶွင်ၸုမ်းၼိုင်ႈ။ ယၢမ်းလဵဝ်တႄႉ သိုၵ်းတႆး 2 တပ်ႉ လႆႈၸႂ်ၵိုတ်းယိုဝ်းၵၼ်သေၵူၼ်းမိူင်းၵေႃႈလူမ်ၸႂ်၊ ၽူႈၼမ်းသိုၵ်းသွင်ၾၢႆႇၵေႃႈၶဝ်ႈဢုပ်ႇဢူဝ်းၵၼ်ယဝ်ႉ။ တၢင်းယၢပ်ႇ ၽိုတ်ႇ ၵူၼ်းမိူင်းၵေႃႈ ယုမ်ႇယမ်ဝႃႈတေႁူမ်ႈၵၼ်ၵႄႈလိတ်ႈၵႂႃႇယူႇၼႆ ၵူၼ်းၼႂ်းပိုၼ်ႉတီႈမုင်ႈမွင်းၼင်ႇၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း