ၵေႃႁူမ်ႈသၢင်ႈၵူၼ်းၼုမ်ႇတႆး Tai Youth Networkလႄႈ ၸုမ်းၵူၼ်းၼုမ်ႇၸႄႊလၢၼ့် တေဢွၼ်ႁူဝ်ၸတ်းႁဵတ်းဝၼ်းၵူၼ်းၼုမ်ႇတႆး ပွၵ်ႈၵမ်းသွင်လႄႈ ပၢင်ဢုပ်ႇၶႆႈ ပိုၼ်ႉႁူႉပၢႆးႁၼ် တီႈၸႄႊလၢၼ့် ။
ဝၼ်းတီႈ 01/03/2019 ၸုမ်းၵူၼ်းၼုမ်ႇတႆးၸႄႊလၢၼ့်လႄႈ ၵေႃႁူမ်ႈသၢင်ႈၵူၼ်းၼုမ်ႇတႆး TYN တေဢွၼ်ၵၼ် ၸတ်းႁဵတ်းဝၼ်းၵူၼ်းၼုမ်ႇတႆး တီႈၸႄႊလၢၼ့် ၸိုင်ႈတႆးပွတ်းႁွင်ႇ။ လိူဝ်ၼၼ့်တေၸတ်းပႃးပၢင်ၶႅင်ႇပိတ့်မၢၵ်ႇ ၼင်ယိူင်းဢၢၼ်း ႁႂ်ႈပဵၼ်တီႈမၢႆတွင်းဝၼ်းၵူၼ်းၼုမ်ႇတႆးသေဢမ်ႇၵႃး၊ ႁႂ်ႈၵူၼ်းၼုမ်ႇသူၼ်ၸႂ်တူင်ႉတိုၼ်ႇမႃးထႅင်ႈလိူဝ်ၵဝ်ႇလႄႈ ႁႂ်ႈၵူၼ်းၼုမ်ႇၸိုင်ႈတႆး ပေႃးတေမိုတ်ႈၵိုဝ်းၸမ်ၸႂ်ၵၼ်မႃးၸဵမ်ၸိူဝ်းၼႆႉ ဝႃႈၼႆ။
ဝၼ်းတီႈ 26/02/2019 ၵူၼ်းၼုမ်ႇၵူႈတီႈ ႁႂ်ႈႁွတ်ႈထိုင်ၸႄႊလၢၼ့်သေ သိုပ်ႇမိုတ်ႈၵိုဝ်းၵၼ်၊ ဝၼ်းတီႈ 27-28/02/219 ပၢင်ၶႅင်ႇပိတ့်မၢၵ်ႇၼင်လွမ်ႈ ၊ ၼႂ်းဝၼ်းတီႈ 01/03/2019 မီးပၢင်တၢၼ်ႈၶႆႈ လိၵ်ႈလၢႆးပၢႆးႁၼ်တေမီးမေႃသွၼ်ၵေႃႇမိူင်း (ႁိုဝ်) ၸရေးၵႃၶမ်း ၊ ၸၢႆးၶိူဝ်းသႅင် (သၽႃႇဝ) ၊ ၸၢႆးဝၼ်းလႅင်းၶမ်း ၽူႈတႅၼ်းသၽႃးၸိူဝ့် ၸၢတ်ႈ မၢႆ 3 ၸိူဝ်းၼႆ့ တေမႃးဢုပ်ႇလၢတ်ႈတၢၼ်ႈၶႆႈ။
ၸၢႆးၶိူဝ်းသႅင် ၽူႈတူင့်ၼိုင်ၾၢႆႇသိင်ႇဝႅတ့်လွမ့်လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ – “ ၼႂ်းဝၼ်းၵူၼ်းၼုမ်ႇၼႆ့ႁဝ်း ၶႃႈတေၵႂႃႇတၢၼ်ႈၶႆႈလွင်ႈ သိင်ႇဝႅတ့်လွမ့် ယွၼ့်ႁၼ်ထိုင်ဝႃႈ တႃႇတေပူၵ်းတိုၼ်ႇၸႂ် ၵူၼ်းမိူင်းႁဝ်းႁႂ်ႈမေႃႁၵ့်သႃ သိင်ႇဝႅတ့်လွမ့် ပႅတ်ႈယုၵ်းယၵ်းႁႂ်ႈမႅၼ်ႈတီႈမႅၼ်ႈတၢင်းၼၼ့် ပေႃးႁဝ်းၶႃႈ ႁူမ်ႈမိုဝ်းၵၼ်တင်းၵူၼ်း ၼုမ်ႇၼႆတႄ့ တေၸၢင်ႈၸဵဝ်းထိုင်တီႈယိူင်းမၢႆ ” ဝႃႈၼႆ။
ဝၼ်းၵူၼ်းၼုမ်ႇတႆး Tai Youth Day ၼႆ့ ယူႇတီႈၵူၼ်းၼုမ်ႇၼႂ်းမိူင်းတႆးလႄႈ မိူင်းႁူမ်ႈတုမ်ပတ်းပိုၼ်ႉလႆႈၸႂ်ၵၼ် တီႈပၢင်ၵုမ်လူင်ၶွၼ်ႊၾရႅၼ်ႊ တီႈၸႄႈဝဵင်းပႃႇၵိူဝ် မိူဝ်ႈႁၢင်ပီ 2017 ၼၼ်ႉသေ ပိုၼ်ၽၢဝ်ႇဝႃႈ ဢဝ်ဝၼ်းၵိူတ်ႇ ၻွၵ်ႊတိူဝ်ႊပႃႉၺၢၼ်ႇ (ၽူႈႁၵ်ႉလိၵ်ႈလၢႆးပၢႆပေႇတႆး၊ ၽူႈတႅင်ႇတႅမ်ႈ ၽဵင်းတၢင်ႇတုင်းၸိူဝ်ႉၸၢတ်ႈ ၶိူဝ်းတႆးၶိူဝ်းရႃႇၸႃႇ) ဝၼ်းတီႈ 1 လိူၼ်မၢတ်ႊၶျ်ၼၼ်ႉ မၵ်းမၼ်ႈပဵၼ်ဝၼ်းၵူၼ်းၼုမ်ႇတႆး ဝႃႈၼႆ။
