ၽူႈဢွၼ်ႁူဝ် မိူင်းၵူဝ်ႊရီႊယိူဝ်ႊႁွင်ႇ Kim Jong -un တေၵႂႃႇၶဝ်ႈႁူမ်ႈပၢင်ၼႄၾၢင်ႁၢင်ႈသိုၵ်း ဢၼ်တေၸတ်းႁဵတ်းတီႈပေႇၵျိၼ်း မိူင်းၶႄႇ - ႁွင်ႈၵၢၼ် ၽွင်းလူင်ၾၢႆႇၼွၵ်ႈမိူင်း မိူင်းၶႄႇ ပိုၼ်ၽၢဝ်ႇဝႆႉၼင်ႇၼႆ။ ၵၢၼ်ဢွၵ်ႇၶၢဝ်းတၢင်း ႁူပ်ႉထူပ်းၵၼ်တင်းၽူႈဢွၼ်ႁူဝ်လၢႆၸိုင်ႈမိူင်းပွၵ်ႈၼႆႉ တေပဵၼ်ပွၵ်ႈၵမ်းႁႅၵ်ႈ ဝၢႆးသေပူၼ်ႉမႃး ၶၢဝ်းတၢင်းလၢႆလၢႆပီ။ တႃႇပဵၼ်တီႈမၢႆတွင်း တိုၵ်းတေႃးဢွင်ႇပေႉသိုၵ်းၵျပၼ်ႊလႄႈ ပၢင်တိုၵ်းသိုၵ်းလုမ်ႈၾႃႉ ပွၵ်ႈၵမ်းသွင် ယဝ်ႉတူဝ်ႈၵႂႃႇၼႆသေ ပေႃးထိုင်မႃးၼႂ်းဝၼ်းတီႈ 03/09/2025 (လိူၼ်ၼႃႈ)...

မိူင်းၶႄႇပိုၼ်ၽၢဝ်ႇဝႃႈ ၼႂ်းလိူၼ်သႅပ်ႊထိမ်ႊပိူဝ်ႊ ပီၼႆႉ တေၸတ်းႁဵတ်း ပၢင်ပွႆးၼႄ ၾၢင်ႁၢင်ႈသိုၵ်း ပိူဝ်ႈတႃႇပဵၼ်လွင်ႈမၢႆတွင်း ပၢင်တိုၵ်းသိုၵ်းလုမ်ႈၾႃႉယဝ်ႉတူဝ်ႈၵႂႃႇၶွပ်ႈတဵမ်  80 ပီ ဝႃႈၼႆ။ ပၢင်ၼႄၾၢင်ႁၢင်ႈသိုၵ်းၼႆႉ တေၸတ်းႁဵတ်းၼႂ်းဝၼ်းတီႈ 3 လိူၼ်သႅမ်ႊထိမ်ႊပိူဝ်ႊ တီႈဝဵင်းလူင်ပေႊၵျိၼ်ႊ၊ ၸွမ်ၸိုင်ႈမိူင်းၶႄႇ သျီႊၵျိၼ်ႊၽိင်ႊၵေႃႈတေၶဝ်ႈႁူမ်ႈၸွမ်းၼႆ - ၽူႈမီးၸၼ်ႉသုင် ၼႂ်းတပ်ႉသိုၵ်းမိူင်းၶႄႇ လၢတ်ႈၵႂႃႇ တီႈၼႂ်းပၢင်သပ်းၸႅင်ႈၶၢဝ်ႇၼင်ႇၼႆ။ တီႈၼႂ်းပၢင်ၼႄၾၢင်ႁၢင်ႈသိုၵ်းၼၼ်ႉ တေၼႄပႃးဢဵၼ်ႁႅင်းၾၢႆႇတပ်ႉလိၼ်၊ ၶိူင်ႈမိၼ်တိုၵ်း...