ပိူင်ပဵၼ်ၵူၼ်းမိူင်း ယၢမ်းလဵဝ် ၽေးသိုၵ်းၵေႃႈ လႆႈၵူဝ်၊ ၽေးသၽႃႇဝၵေႃႈ လႆႈၵူဝ် ဢၼ်လႂ်ၵေႃႈ ဢမ်ႇႁႄႉႁၢမ်ႈလႆႈ။ မိူၼ်ၼင်ႇ တီႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၼႆႉၵေႃႈ ၵႆၽေးသိုၵ်းသိူဝ်ယူႇသေတႃႉ ၽေးသၽႃႇဝ ၼမ်ႉထူမ်ႈတႄႉ ဝႄႈဢမ်ႇလွတ်ႈလႆႈ ပီၼႆႉ မႄႈသၢႆလုပ်ႇထူမ်ႈ ဢမ်ႇယွမ်း 9 ပွၵ်ႈယဝ်ႉ။ ယွၼ်ႉၼမ်ႉသၢႆထူမ်ႈၼႆႉသေ ရူတ်ႉၵႃးႁိူၼ်းယေးလူႉၵွႆၼမ်၊ ၵူၼ်းၵႃႉၵူၼ်းၶၢႆ သုမ်းၼပ်ႉႁူဝ်သိပ်းသႅၼ်ဝၢတ်ႇ (ငိုၼ်းထႆး)...

ပေႃးထိုင်ၶၢဝ်းၾူၼ်မႃး ပီလႂ်ၵေႃႈ တီႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၼႆႉ ၺႃးၼမ်ႉလုပ်ႇထူမ်ႈ ၵူႈပီ။ ၼႂ်းလိူၼ် ဢေႃႊၵတ်ႊသ်ၼႆႉၵူၺ်း ၼမ်ႉထူမ်ႈယႂ်ႇ 2 ပွၵ်ႈ ပႃးၼႆႉယဝ်ႉ။ ပွၵ်ႈၼႆႉ ၼမ်ႉၼွင်းယႂ်ႇ လိူဝ်ၵဝ်ႇ ၵႄးၼမ်ႉသၢႆ ၼွင်းယႂ်ႇပေႃးတေထူမ်ႈ ၶူဝ်ၶၢမ်ႈလႅၼ်လိၼ်တႆး - ထႆး မၢႆ 1 ။ တႄႇဢဝ်ဝၼ်း...