ၼႂ်းၵူႈဝၼ်းဝၼ်းၼႆႉ ၵူႈလွင်ႈၵူႈဢၼ် လႅၵ်ႈလၢႆႈၶိုၼ်ႈယႂ်ႇမႃးဢမ်ႇထၢတ်ႇဢမ်ႇၶၢတ်ႇ ။ မိူၼ်ၼင်ႇ ၾိင်ႈယူႇၾိင်ႈၵိၼ် ၸိူဝ်းၼႆႉ လႅၵ်ႈလၢႆႈၸွမ်းငဝ်းလၢႆး ဢၼ်ၶိုတ်းၵၢပ်ႈၶိုတ်းၸၼ်ႉလုမ်ႈၾႃႉ ဢမ်ႇယင်ႉဢမ်ႇၵိုတ်း ။ ၾိင်ႈၵဝ်ႇသမ်ႉ တေၸူမ်ႁၢႆၵႂႃႇၸွမ်း ၵူၼ်းႁုၼ်ႈၵဝ်ႇသဵင်ႈမူတ်းတႄႉ ၶိူဝ်းၸၢင်ႈၸူမ်ႁၢႆ ။ ၸင်ႇၼၼ်လႄႈ ဢမ်ႇဝႃႈ ၸၢဝ်းၶိူဝ်းလႂ် တိုၼ်းၶတ်းၸႂ် ၶိုင်သၢင်ႈႁႂ်ႈၾိင်ႈၵဝ်ႇၵႄႇဢမ်ႇႁၢႆ ။ မိူၼ်ၼင်ႇ တီႈႁူင်းႁဵၼ်းသိုပ်ႇသၢၼ်ၽုမ်ႊပၼ်ႊယႃႊလၢၼ်ႉၼႃး...

ၾိင်ႈငႄႈတႆး ပေႃးတႆးဢမ်ႇဝႆႉၵႃႈၶၼ်လႄႈ ဢမ်ႇမေႃယုၵ်ႉမုၼ်း တေဢမ်ႇမီးၽႂ်မၵ်းမၼ်ႈပဵၼ်ၾိင်ႈၵိုၵ်းလုမ်ႈၾႃႉ။ တၢင်းႁူႉတၢင်းမေႃၾၢႆႇၾိင်ႈငႄႈၾိင်ႈထုင်းၼႆႉ သင်ဢမ်ႇသိုပ်ႇပိုၼ်ၽႄႈ ဢမ်ႇသိုပ်ႇပုတ်ႈႁပ်ႉဢဝ် ၸၢင်ႈႁၢႆလၢႆၵႂႃႇ ဢမ်ႇ တၼ်းထိုင်ၸူဝ်ႈလုၵ်ႈပၢၼ်လၢၼ် ။ တႆးႁူႉၾိင်ႈတႆးၵူၺ်းပႆႇယဝ်ႉ ၼႂ်းတၢင်ႇၸၢဝ်းၶိူဝ်း တၢင်ႇၸိုင်ႈမိူင်းၵေႃႈ တၵ်းလူဝ်ႇ ႁႂ်ႈၶဝ်ႈထိုင် ။ ဢၼ်တေႁဵတ်းႁႂ်ႈၵၢၼ်ၶဝ်ႈဢွၵ်ႇတၢင်ႇၸိုင်ႈမိူင်းငၢႆႈသုတ်းၵေႃႈ ပဵၼ်ၾိင်ႈထုင်းလႄႈ တေပၢၵ်ႈပႅတ်ႈ ဢမ်ႇလႆႈ ။ ၸင်ႇၼၼ် ၵေႃလိၵ်ႈလၢႆး လႄႈ...