ၵူၼ်းၼႂ်းၸႄႈဝဵင်းၼမ်ႉတူႈ ဢၼ်ပၢႆႈၽေးပၢင်တိုၵ်းသေ ႁွတ်ႈၽႅဝ်ဝႆႉတၢင်းဝဵင်းလႃႈသဵဝ်ႈၼၼ်ႉ ဢိင်ၼိူဝ် လွင်ႈတၢင်းၵူႈလွင်ႈလွင်ႈသေ တေႃႇထိုင်ၼႂ်းလိူၼ်ၼူဝ်ႊဝႅမ်ႊပိူဝ်ႊၼႆႉ ၵေႃႈ ပႆႇၸၢင်ႈပွၵ်ႈၶိုၼ်းႁိူၼ်းယေးၽႂ် တိုၵ်ႉၵိုတ်းယူႇမွၵ်ႈ 500 ၵေႃႉ လူဝ်ႇတၢင်းၵမ်ႉၸွႆႈ ၽႃႈႁူမ်ႇၶူဝ်းၼွၼ်း ပဵၼ်ပိူင်ယႂ်ႇ ။ တေႃႇထိုင်ဝၼ်းတီႈ 7/11/2025 ၼႆႉ တိုၵ်ႉလူဝ်ႇတၢင်းၸွႆႈထႅမ်ႁၢဝ်ႈႁႅင်းၼႆ ၸုမ်းၸွႆႈထႅမ် ၵူၼ်းပၢႆႈ ၽေးပၢင်တိုၵ်း ဝဵင်းလႃႈသဵဝ်ႈ လၢတ်ႈတီႈ ၽူႈတွႆႇႁွၵ်ႈၼင်ႇၼႆ။ “ငဝ်းလၢႆးၼႂ်းပိုၼ်ႉတီႈပႆႇၼိမ်သဝ်း၊...