ၸွမ်းလူၺ်ႈၾိင်ႈႁိတ်ႈႁွႆးတၢင်းယုမ်ႇယမ်ၶွင်ၵူၼ်းၸၢဝ်းပွတ်းၸဵင်ႇၸၢၼ်းဝၼ်ဢွၵ်ႇၵမ်ႈၼမ်ထိုဝ်ယမ်ၵိူဝ်းလီၾိင်ႈဝၼ်းလိူၼ်သိပ်းသွင်မူၼ်း မႃးၼပ်ႉပီယၢဝ်းၶၢဝ်းႁိုင်သေ ႁူမ်ႈဝႃႈမၢင်သိင်ႇမၢင်လွင်ႈပိူင်ႈပၢႆႈလၢႆႈလႅၵ်ႈၵႂႃႇ ၸွမ်းၵၢပ်ႈဝၢၼ်ႈပၢၼ်မိူင်းသေတႃႉၵေႃႈ ယင်းမီးလွင်ႈယုမ်ႇယမ်ၾင်ၸႂ်သေႁဵတ်းၸွမ်းယူႇ လူၺ်ႈငဝ်းလၢႆး ဝၢၼ်ႈ လႂ် မိူင်းၼၼ်ႉ ပိုၼ်ႉတီႈလႂ်တီႈၼၼ်ႉယူႇႁင်းၽႂ်ႁင်းမၼ်း။ ဝၼ်းလိူၼ်သိပ်းသွင်မူၼ်း ပီႈၼွင်ႉထႆး လၢဝ်း တေႁွင်ႉဝႃႈ ဝၼ်းလွႆးၵရထူင်ႊ (ၵတုင်းယူၵ်ႇ) ဢဝ်ယူၵ်ႇၵူၺ်ႈမႃး ႁဵတ်းပဵၼ်ၵွၵ်း သႂ်ႇမွၵ်ႇသႂ်ႇတဵၼ်း ၸၵ်းၸႃႇ တႆႈၸပ်းၾႆးတဵၼ်း ပွႆႇလွင်ႈပိုတ်ႉပႅတ်ႈၵၢၼ်ဢမ်ႇလီတင်းမူတ်း တင်းသဵင်ႈ(လွႆးၶေႃႉလွႆးၵဵဝ်ႇ) ၼၼ်ႉသေ တိူင်ႇၵၢဝ်ႇယွၼ်း...

ၽွင်းပၢင်တိုၵ်းၼၼ်ႈမေႃးၼႂ်းၸိုင်ႈတႆးပွတ်းႁွင်ႇလႄႈလႅၼ်လိၼ်တႆး - ယၢင်းလႅင်ၼၼ်ႉ သိုၵ်းမၢၼ်ႈတဵၵ်းသင်ႇႁႂ်ႈၵူၼ်းမိူင်းဝဵင်းတူၼ်ႈတီးႁဵတ်းပွႆးႁူင်းၾႆးမိၼ် ႁႂ်ႈၵိုၼ်းၶွၼ်ႈ။ ၵူၺ်းၵႃႈတီႈဝဵင်းပၢင်ႇဢူႈလူင်တႄႉ ပွႆးလိူၼ်သိပ်းသွင်ဢၼ်ၸတ်းႁဵတ်းတီႈၽြႃးလူမ်ႉ မႃးၵူႈပီပီၼၼ်ႉ ပီၼႆႉဢိင်ၼိူဝ်လွင်ႈႁူမ်ႇလူမ်ႈသေ ဢမ်ႇၸတ်းႁဵတ်းယဝ်ႉဝႃႈၼႆ။ လွင်ႈၼႆႉယူႇတီႈၵေႃးပၵ ၽူႈၸတ်းပွင်ၵၢၼ်ပဵၼ်ပၢင်ပွႆး ဢိၵ်ႇပႃးပေႃႈၾႃႉမႄႈမိူင်းဝဵင်းပၢင်ႇဢူႈဢုပ်ႇၵုမ်ၵၼ်တႅပ်းတတ်းသေ ပိုၼ်ၽၢဝ်ႇၼႂ်းဝၼ်းတီႈ 20/11/2023 ဝႃႈ ဢမ်ႇပဵၼ်ၸတ်းပွႆးယဝ်ႉ။ ၵူၼ်းမိူင်းဝဵင်းပၢင်ႇဢူႈလၢတ်ႈဝႃႈ -“ ပွႆးၼႆႉဢၢၼ်းၸတ်းၼႂ်းဝၼ်းတီႈ 24 ထိုင် 28 ၼူဝ်ႇဝႅမ်ႇပိူဝ်ႇ။ ႁၢင်ႈႁႅၼ်းယဝ်ႉမူတ်းယဝ်ႉ တေမီးပွႆးႁွင်ႉၵႂၢမ်း၊...