မႆႉသိုပ်ႇမႆႉၵူၼ်းသိုပ်ႇၵူၼ်း တူင်ႇၶိူဝ်းမူၼ်းသိုပ်ႇသၢႆၸိူဝ်ႉၶိူဝ်းၵူၼ်းယႂ်ႇၼႆသေတႃႉ ပေႃးဝၢဝ်ႇသၢဝ်တႆးႁဝ်း ဢမ်ႇဝႆႉလိုၵ်ႉ ၶိုၵ်ႉၶမ်ႇလမ်ႇလွင်ႈဢမ်ႇတူၺ်းႁၼ်ပုၼ်ႈၸိူဝ်ႉၸၢတ်ႈ ၵၢၼ်ၽႄႈတိုၼ်းၶိူဝ်းၵူၼ်းတႆးႁဝ်းၸိုင် တေလဵၵ်ႉၵေႇ ဢေႇမၢင် လူင်းၵႂႃႇတိၵ်းတိၵ်းယဝ်ႉ။ ႁူဝ်ၵူၼ်းၼႂ်းလူၵ်ႈၼႆႉ မီးထိုင်ၸမ်ၸမ် 7 ႁဵင်လၢၼ်ႉလႄႈၵၢၼ်ႁိမ်ၵိၼ်ႁိမ်ယူႇ ႁိမ်ႁဵတ်းႁိမ်သၢင်ႈ ၵဵဝ်ႇလူၺ်ႈတၢင်း ၵိၼ်တၢင်းယႅမ်ႉၵေႃႈလီ တီႈယူႇတၼ်းသဝ်းၵေႃႈလီ ပဵၼ်ပုၼ်ႈၽွၼ်းယႂ်ႇလူင် တႃႇၼႃႈႁေႃတေႃႁိူၼ်း ႁူမ်ႈတင်း ၵၢၼ်လဵင်ႉလူလုၵ်ႈတဝ်ႈတေႃႇပေႃးႁဵၼ်းယဝ်ႉၸၼ်ႉသုင်သုတ်း ၼင်ႇၵႃႈပွင်ပဵၼ်လႆႈၼၼ်ႉ ဢမ်ႇငၢႆႈငၢႆႈလႄႈလႆႈႁိမ် ယႅင်ႈၵၼ်လၢႆလွင်ႈလၢႆၾၢႆႇ။ ယွၼ်ႉၼၼ်...