ၼႂ်းၵၢင်လိူၼ်ၵျူႊလၢႆႊၼႆႉ  ၸုမ်းၽွင်းလူင်ၼွၵ်ႈ မိူင်း ၸိူဝ်းပဵၼ်လုၵ်ႈၸုမ်းၼႂ်းဢႃႊသီႊယၼ်ႊၶဝ် ႁူပ်ႉၵၼ် ၼႂ်းမိူင်းထႆးသေ ဢုပ်ႇဢူဝ်းလွင်ႈ ငဝ်းလၢႆး ၵၢၼ်မိူင်းမိူင်းႁူမ်ႈတုမ် (မိူင်းမၢၼ်ႈ) လႄႈ ပိူဝ်ႈတႃႇ ႁႃလၢႆးတၢင်း ႁူပ်ႉထူပ်းၸွမ်း ၸုမ်းသိုၵ်းမၢၼ်ႈယိုတ်းမိူင်းသေ ၵႄႈလိတ်ႈပၼ်ႁႃၵၢၼ်မိူင်းၵႂႃႇ။ တႃႇပဵၼ်ပၢင်ၵုမ်ၵၼ်ၼၼ်ႉ လူင်ပွင်ၸိုင်ႈမိူင်းထႆးႁပ်ႉပုၼ်ႈၽွၼ်းပဵၼ်ၸဝ်ႈႁိူၼ်းသေ မွၵ်ႇႁပ်ႉဢဝ်ပႃးတူဝ်တႅၼ်း မိၼ်းဢွင်ႇလၢႆႇၵႂႃႇ ဢုပ်ႇဢူဝ်းၸွမ်း ပွၵ်ႈဢွၼ်တၢင်းသုတ်း။ ၵွၼ်ႇတေပဵၼ်ပၢင်ၵုမ်ၼၼ်ႉ ႁူဝ်ပဝ်ႈဢႃႊသီႊယၼ်ႊ လူင်ပွင်ၸိုင်ႈမိူင်းၾိလိပ်ႉပိၼ်ႊ...

ၼင်ႇႁိုဝ် တေၵႄႈလိတ်ႈလႆႈပၼ်ႁႃၵၢၼ်မိူင်း မိူင်းႁူမ်ႈတုမ် ဢၼ်ပဵၼ်ယူႇယၢမ်းလဵဝ်ၼႆႉ သင်ဢမ်ႇမီးၸုမ်း ယူႇၵႄႈၵၢင် ၸွႆႈၶပ်းၶိုင်ပၼ်ၸိုင် ပိူဝ်ႈတႃႇဢုပ်ႇဢူဝ်းၵၼ်လႆႈၼႆႉ တေဢမ်ႇငၢႆႈၼႆ ႁူဝ်ပဝ်ႈ တပ်ႉသိုၵ်းလွတ်ႈလႅဝ်းၸိူဝ်ႉ ၸၢတ်ႈပဢူဝ်း (PNLO) ၸဝ်ႈသိုၵ်းလူင် ၶုၼ်ႇဢူၵ်ႉၵႃႇ မွၵ်ႇလၢတ်ႈတီႈသိုဝ်ႇၶၢဝ်ႇဝႆႉ ၼႆယဝ်ႉ။ ပိူဝ်ႈတႃႇ တေဢုပ်ႇဢူဝ်းၵႄႈလိတ်ႈလႆႈ ပၼ်ႁႃၵၢၼ်မိူင်း ၵၢၼ်သိုၵ်း ၼႂ်းမိူင်းႁူမ်ႈတုမ်ၼႆႉ ထုၵ်ႇလီႁဵတ်းသၢင်ႈၵႂႃႇ ၸွမ်းၼင်ႇလူင်ပွင်ၸိုင်ႈ မိူင်းၶႄႇ၊...