ယၢမ်းလဵဝ် ၵူၼ်းပၢႆႈၽေးသိုၵ်း ၼႂ်းထုင်ႉၼွင်ပိင် ၸႄႈဝဵင်းၵျွၵ်ႉမႄး ႁူဝ်ၵူၼ်းမိုၼ်ႇပၢႆ ၸိူဝ်းလႆႈပၢႆႈၽေး ပၢင်တိုၵ်းဝႆႉၼၼ်ႉ ထူပ်းတၢင်းယၢပ်ႇၽိုတ်ႇလွင်ႈၶဝ်ႈၼမ်ႉတၢင်းၵိၼ်လႄႈ ယႃႈယႃ ၸိူဝ်းၼႆႉ ယွၼ်ႉပၢင်တိုၵ်းသေ ၵမ်ႈၽွင်ႈ ဢမ်ႇတၼ်းလႆႈႁၢင်ႈႁႅၼ်းသင် ၼႆယဝ်ႉ။ ၵူၼ်းပၢႆႈၽေးသိုၵ်း ထုင်ႉၼွင်ပိင် လၢတ်ႈတီႈၽူႈတွႆႇႁွၵ်ႈဝႃႈ - “ၶၼ်ၸႂ်ၶႃႈဢေႃႈ မၼ်းၵိုင်ႉၵၢင်ႉလႆႈပၢႆႈမႃးၶႃႈၼႃႇ မၢင်ၸိူဝ်းတၢင်းဢမ်ႇလႆႈမႃးၶူဝ်းလဵင်းၵွၼ်ႇဢေႃႈၼႆႉ။ မၼ်းၵိုင်ႉ ၵၢင်ႉပဵၼ်သေ ၵိုင်ႉၵၢင်ႉတူၵ်းၸႂ် ၼႃႇဢႃးလႃးၶႃႈဢေႃႈ။...

ၼႂ်းၵၢင်လိူၼ်ဢေႃႊၵတ်ႊသ်ၼႆႉ သိုၵ်းမၢၼ်ႈ ၸႂ်ႉၶိူင်ႈၵွင်ႈလူင်၊ ႁိူဝ်းမိၼ်တိုၵ်း ပွႆႇမၢၵ်ႇသႂ်ႇ ၸွမ်းဝတ်ႉဝႃးၽႃသိူဝ်ႇ၊ ႁိူၼ်းယေးၵူၼ်းမိူင်း ၸိူဝ်းမီးၵူၼ်းမိူင်းယူႇသဝ်းလႄႈ ၸိူဝ်းၵူၼ်းမိူင်းဝဵင်းၼွင်ၶဵဝ်၊ ၵျွၵ်ႉမႄး ဢၼ်ပၢႆႈၽေးသိုၵ်းမႃးသွၼ်ႈယူႇဝႆႉ ၼႂ်းထုင်ႉၼွင်ပိင် ၸိူဝ်းၼႆႉၵေႃႈ တိူဝ်ႉၺႃးၸၢၵ်ႇမၢၵ်ႇ ထိုင်တီႈလႆႈလူႉတၢႆမၢတ်ႇၸဵပ်းၵႂႃႇ ဢမ်ႇယွမ်း 60 ၵေႃႉ။ ယၢမ်းလဵဝ် ၵူၼ်းမိူင်းၼႂ်းထုင်ႉၼွင်ပိင်လႄႈ ၵူၼ်းပၢႆႈၽေးသိုၵ်းၸိူဝ်းၼႆႉ ဢွၼ်ၵၼ်ပၢႆႈဢွၵ်ႇၼႂ်းထုင်ႉ ၼွင်ပိင်ၵႂႃႇၵူႈၾၢႆႇၵူႈတၢင်း။ ၵမ်ႈၽွင်ႈ ပၢႆႈၵႂႃႇတၢင်း...