သိုၵ်းမၢၼ်ႈပိုၼ်ၽၢဝ်ႇ တေၸတ်းႁဵတ်းပၢင်လိူၵ်ႈတင်ႈၼႂ်းႁၢင်ပီ 2025 ဢမ်ႇၼၼ် ႁူဝ်ပီ 2026 ၼႆၼၼ်ႉ ၸမ်မႃးတိၵ်းတိၵ်းယဝ်ႉလႄႈ ၾၢႆႇတင်းသိုၵ်းမၢၼ်ႈ ၵူတ်ႇထတ်းၵူၼ်းမိူင်းၵႂႃႇမႃးႁၢဝ်ႈႁႅင်း တီႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း ။ တင်ႈတႄႇ ႁူဝ်လိူၼ် ဢေႃႊၵတ်ႊသ်ၼႆႉမႃး  တႃႇပၢင်လိူၵ်ႈတင်ႈၼႆသေ  ၵၢင်ႉၵႄႇ တႂ်ႈသိုၵ်းမၢၼ်ႈ လႄႇလမ်းႁႃၵဵပ်းသဵၼ်ႈမၢႆ ၵူၼ်းဢႃယု 18 ၶိုၼ်ႈၼိူဝ်ဝႆႉသေ ၵူတ်ႇထတ်းသဵၼ်ႈမၢႆၵူၼ်း ၵူႈဝၼ်းဝႃႈၼႆ...

သိုၵ်းမၢၼ်ႈ ယိုတ်းမိူင်းမႃး ၶၢဝ်းတၢင်း 4 ပီပၢႆၼႆႉ လွင်ႈလူႉသုမ်းၵေႃႈၶဝ်မီး လွင်ႈဢွင်ႇမၢၼ်ၵေႃႈ ၶဝ်လႆႈမိူၼ်ၵၼ်။ ၵၢၼ်တိုၵ်းတေႃးတႄႉ သိုၵ်းမၢၼ်ႈ မီးလွင်ႈတုမ်ႉတိူဝ်ႉလူႉသုမ်းၼမ်သေတႃႉ ၾၢႆႇၵုမ်း ထတ်းၵူၼ်းမိူင်းတႄႉ သိုၵ်းမၢၼ်ႈသမ်ႉ တိုၵ်ႉပၼ်ႇၵၢၼ်လႆႈလီ။ ၸုမ်းႁဵတ်းၵၢၼ်မိူင်း ၸုမ်းလုၵ်ႉၽိုၼ်ႉသၢၼ်ၶတ်းသိုၵ်းမၢၼ်ႈၸိူဝ်းၼႆႉ ၵမ်ႈၼမ်တႄႉ လႆႈဝႃႈ သိုၵ်း မၢၼ်ႈ ၵုမ်းလႆႈတႄႉလႄႈ ၸိူဝ်းလႆႈ ပၢႆႈၵေႃႈပၢႆႈ ၸိူဝ်းၺႃးတူၵ်းၶွၵ်ႈၵေႃႈတူၵ်း။...