မိူဝ်ႈဝၼ်းတီႈ 18 လိူၼ်တီႊသႅမ်ႊပိူဝ်ႊ ၸုမ်းပၵ်းတႃပႂ်ႉတူၺ်း လွင်ႈႁဵတ်းသၢင်ႈသိုၵ်းမၢၼ်ႈ Justice For Myanmar ပိုၼ်ၽၢဝ်ႇဢွၵ်ႇဝႃႈ ၶွမ်ႊပၼီႊသိုဝ်ႇၼႅင်ႈသၢၼ်လၢႆလၢႆဢၼ် ပူတ်းထွၼ်ပႅတ်ႈ ၼႃႈလိၵ်ႈသိုဝ်ႇၼႅင်ႈသၢၼ်ၶွင်သိုၵ်းမၢၼ်ႈတၢင်းဝႅပ်ႉသၢႆႉလႄႈ သိုဝ်ႇတူင်ႇဝူင်းဝႃႈၼႆ။ ယွၼ်ႉသိုၵ်းမၢၼ်ႈပူၼ်ႉပႅၼ် သုၼ်ႇလႆႈၵူၼ်းႁၢဝ်ႈႁႅင်းသေ ၸုမ်းပၵ်းတႃပႂ်ႉတူၺ်းလွင်ႈတူင်ႉၼိုင်သိုၵ်းမၢၼ်ႈ Justice For Myanmar ၸင်ႇလႆႈတႅမ်ႈလိၵ်ႈသူင်ႇထိုင် ၶွမ်ႊပၼီႊလွၵ်းလၢႆးပၢႆးသၢင်ႊ IT လၢႆလၢႆဢၼ်ႁႂ်ႈပၼ်တူတ်ႈတၢမ်ႇဢိုတ်းႁႅတ်ႉသိုၵ်းမၢၼ်ႈ။ ဝၢႆးၼၼ်ႉဢမ်ႇႁိုင်သင်ၶွမ်ႊပၼီႊ Amazon ဢၼ်ၵဵပ်းၶေႃႈမုၼ်းၼၼ်ႉၵေႃႈ...