ၵူႈပီပီ ပေႃးႁွတ်ႈထိုင်လိူၼ်ၾႄႊၿိဝ်ႊရီႊၸဵတ်းဝၼ်း (7 Feb .) ၸိုင် ၵႆႉမီးပၼ်ႁႃ တေလႆႈႁွင်ႉဝၼ်းၼႆႉၸိူဝ်ႉႁိုဝ်?။ ဝၼ်းၸိူဝ်ႉၶိူဝ်းတႆး/ဝၼ်းၶိူဝ်းတႆး/ဝၼ်းၸိူဝ်ႉၸၢတ်ႈတႆး/ဝၼ်းၸၢတ်ႈၸိုင်ႈတႆး ဝၼ်းမိူင်းတႆး ဝၼ်းတႆး ၵမ်ႈၽွင်ႈၸိူဝ်းဢမ်ႇၶႂ်ႈမီးပၼ်ႁႃၽိတ်းၵၼ်ထဵင်ၵၼ်ၼၼ်ႉ ၸင်ႇမႃးတင်ႈၸိုဝ်ႈဝႃႈ “ဝၼ်းၸိူဝ်ႉၸၢတ်ႈၸိုင်ႈတႆး” ၼႆၵေႃႈမီး။ ပၼ်ႁႃၼႆႉတႄႇမႃးတီႈဢၼ်ႁဝ်းယိူင်ႈၸွမ်းထုင်းဢိင်းၵလဵတ်ႈ။ ထွႆႈၵႂၢမ်းဢိင်းၵလဵတ်ႈသမ်ႉဢမ်ႇတႅၵ်ႇလႅင်း၊ ဢွၵ်ႇတီႈပွင်ႇၼမ်လႄႈ ပဵၼ်မႃးၼႆၵေႃႈဝႃႈလႆႈ။ ၸိူဝ်ႉၶိူဝ်း (Nation) ၼႆၼၼ်ႉ ၼႂ်းဢၽိထၢၼ်ႇၼႄဝႆႉဝႃႈလုၵ်ႉတီႈထွႆႈလႃးတိၼ်ႊ (Latin) Natio မႃး။ Natio ၼၼ်ႉၵူၺ်းၵေႃႈ လုၵ်ႉတီႈ Nasci...