ABSDF လုၵ်ႉတီႈၽဝပဵၼ်လုၵ်ႈႁဵၼ်း ယဵၼ်းပဵၼ်သိုၵ်း ၵိုၵ်းၵၢၼ်မိူင်းမႃးထိုင်ယၢမ်းလဵဝ်

ABSDF ၼႆႉပဵၼ်ၸုမ်းဢၼ်လုၵ်ႉတီႈလုၵ်ႈႁဵၼ်းသေ ၵေႃႇတင်ႈပဵၼ်မႃး၊ တေႃႈလဵဝ်ၸိူဝ်းၶဝ်ဢႃႇယုၵေႃႈယႂ်ႇမႃး၊ ပေႃးၼပ်ႉသွၼ်ႇဢႃႇယုလႄႈတူဝ်ထူပ်းၶဝ် တေလႆႈဝႃႈၶဝ်ပဵၼ်မေႃသွၼ်ၵေႃႈဝႃႈလႆႈယူႇ။ ယွၼ်ႉဝႃႈၵေႃႇတင်ႈ မႃးၵေႃႈ မီး 30 ပီပၢႆယဝ်ႉ။ တႅဝ်းႁူမ်ႈၻီႊမွၵ်ႊၶရႅတ်ႊတိၵ်ႉလုၵ်ႈႁဵၼ်းမိူင်းမၢၼ်ႈပတ်းပိုၼ်ႉ (ABSDF) ၼႆႉ ၵေႃႇတင်ႈမႃး မိူဝ်ႈဝၢႆးလုၵ်ႈႁဵၼ်းလုၵ်ႉၼႄၵၢင်ၸႂ် 1988 ၼၼ်ႉယဝ်ႉ။ ၸဝ်ႈဢႃႇၼႃႇသိုၵ်းမၼ်ႈၶဝ် ဢဝ်လွၵ်းလၢႆးၸႂ်ႉဢဵၼ်ႁႅင်း လၢႆးႁုၵ်းႁၢႆႉမိူၵ်ႈမႂ်ႈ ၽဵဝ်ႈမူၺ်ႉလုၵ်ႈႁဵၼ်းၶဝ်လႄႈ မၢင်ၸိူဝ်းပၢႆႈၶဝ်ႈထိူၼ်ႇ ယိပ်းၵွင်ႈၵၢင်ႇ၊ မၢင်းၸိူဝ်းပၢႆႈၵႂႃႇၼွၵ်ႈမိူင်း၊...