ႁဵတ်းႁိုဝ်လႄႈလိၵ်ႈလၢႆးႁဝ်းတေၶိုၼ်ႈယႂ်ႇ ပုၼ်ႈၽွၼ်းၽႂ်တေလႆႈသႂ်ႇၸႂ်ၶတ်းႁႅင်း

ၵူႈဝၼ်းၼႆႉ ယႃႇပႆႇဝႃႈၵူၼ်းၸိူဝ်းဢမ်ႇပႆႇႁူႉပႆႇမေႃဢၢၼ်ႇ မေႃတႅမ်ႈ လိၵ်ႈတႆးၵူၺ်း တေႃႈၵူၼ်းၸိူဝ်း မေႃဢၢၼ်ႇ မေႃတႅမ်ႈ ယင်းဢမ်ႇလႆႈတႅမ်ႈ ဢမ်ႇတၼ်းတႅမ်ႈ ဢမ်ႇၶုၵ်းၸႂ်လႆႈတႅမ်ႈ ဢဝ်တၢင်းဝႆးသေ ပိူၼ်ႈတႅမ်ႈမႃးလိၵ်ႈသင်ၵေႃႈ ၶိုၼ်းတွပ်ႇၵႂႃႇလိၵ်ႈၼၼ်ႉ၊ ပိူၼ်ႈလၢတ်ႈမႃးၵႂၢမ်းသင်ၵေႃႈ လၢတ်ႈၵႂႃႇၶိုၼ်းၵႂၢမ်း ၼၼ်ႉ ဢမ်ႇတၼ်းၶုၵ်းၸႂ်လႆႈဝူၼ်ႉလႆႈဝႃႈ ၵေႃႉလၢတ်ႈၼၼ်ႉပဵၼ်ၽႂ် တေလႆႈလၢတ်ႈၵႂၢမ်းသင်တေႃႇမၼ်း။ ယွၼ်ႉလူၺ်ႈၵၢၼ်ႁႃၵိၼ်လဵင်ႉတွင်ႉ ၵၢၼ်ၼႃႈႁေႃၼႃႈႁိူၼ်း ၵၢၼ်ၶၢတ်ႇႁၢမ်းလွင်ႈၵတ်းယဵၼ် လွင်ႈထၢင်ႇ ႁၢင်ႈၸိူဝ်းၼႆႉသေလႄႈ ဢမ်ႇတၼ်းၵႂႃႇၶုၵ်းဝူၼ်ႉလႆႈပုၼ်ႈလိၵ်ႈလၢႆးၵႂၢမ်းလၢတ်ႈၽႃးသႃၸဝ်ႈၵဝ်ႇ။...