ႁူဝ်ႁႅၵ်ႈႁူဝ်တီး လွင်ႈတၢင်းတႄႇတိတ်းၸပ်းယိၼ်ႉယႃႈမဝ်းၵမ် ပဵၼ်သင် ၸိူင်ႉႁိုဝ်?

လွင်ႈဢၼ်ၵူၼ်းမိူင်းႁဝ်းတိတ်းၸပ်းယိၼ်ႉယႃႈမဝ်းၵမ် ဢမ်ႇဝႃႈဢွၼ်ႇၸၢႆးဢွၼ်ႇယိင်းလႄႈသင်၊ ၵူၼ်းၼုမ်ႇသႅၼ်းႁုၼ်ႈ ဢမ်ႇဝႃႈမၢဝ်ႇသၢဝ်လႄႈသင်၊ မႄႈႁိူၼ်းပေႃႈႁိူၼ်းၼုမ်ႇလႄႈသင်၊ ပေႃႈႁၢင်ႉမႄႈႁၢင်ႉ ပေႃႈမႆႈမႄႈမၢႆႈ (မႄႈႁၢင်ႉဢွၼ်ႇၽူဝ်ပၢႆႈ-မႄႈမၢႆႈဢွၼ်ႇၽူဝ်တၢႆ)လႄႈသင်၊ မႄႈႁၢင်ႉလၼ်ႇလုတ်ႈ ပိူၼ်ႈပႅတ်ႈဢမ်ႇၶၢတ်ႇၸိူဝ်းၼႆႉလႄႈသင်၊ ဢမ်ႇဝႃႈၵူၼ်းၼုမ်ႇၵူၼ်းထဝ်ႈ၊ ၵူၼ်းၶၢဝ်ႉၵူၼ်းၵႄႇ သၢမ်ပၢၼ်ၸဵတ်းသႅၼ်းၸိူဝ်းၼႆႉ လွင်ႈတၢင်းဢၼ်လႆႈတိတ်းၸပ်းယိၼ်ႉယႃႈ၊ မၵ်ႉယႃႈၸိူဝ်းၼႆႉ တေမီးယူႇလၢႆလၢႆလွင်ႈ။ ၵွပ်ႈၼႆ ႁဝ်းမႃးဢွၼ်ၵၼ်လဵပ်ႈႁဵၼ်းတူၺ်း ၸွင်ႇမၼ်းမႅၼ်ႈဢမ်ႇမႅၼ်ႈ။ ၵူၼ်းႁဝ်းတိတ်းၸပ်းယိၼ်ႉယႃႈမဝ်းၵမ်ယွၼ်ႉသင်?။ (1)ၼႂ်းၵူၼ်းၼုမ်ႇသႅၼ်းႁုၼ်ႈ ယွၼ်ႉပိူဝ်ႈပဵၼ်ၽွင်းပၢၼ်သိူဝ်းလူၼ်းလႄႈ ၶႂ်ႈၸၢမ်းၶႂ်ႈႁူႉၶႂ်ႈႁၼ်၊ ၶႂ်ႈႁူႉဢရသႃႇၶႂ်ႈၸၢမ်ႇပူၺ်ႈ ၼမ်ႉဝၢၼ်ၼမ်ႉၶိုၵ်ႉၶႅမ်ႉမၼ်းတူၺ်း။ (2)ၸၢတ်ႈပၢၼ်ၵူၼ်းၼုမ်ႇၽွင်းမီးႁၵ်ႉၼၼ်ႉ မိူဝ်ႈသုမ်းတၢင်းႁၵ်ႉ၊...