ႁူမ်ႈၵၼ်ၽွင်းငမ်းသေ ပၢၼ်ႇပွင်ၸိုင်ႈမိူင်းႁူမ်ႈတုမ်

တီႈပိူင်မိူင်းႁူမ်ႈတုမ်ၾႅတ်ႊၻရႄႊၼႆႉ မိူင်းၼိုင်ႈတင်းမိူင်းၼိုင်ႈ လၢႆးၸတ်းပွင်ၸႂ်ႉတိုဝ်းဢႃႇၼႃႇၾၢႆႇၽွင်းငမ်းဢမ်ႇမိူၼ် ၵၼ်။ တီႈၸိုင်ႈမိူင်းဢၼ်မီးၵူၼ်းၶိူဝ်းလဵဝ်ၵူၺ်းၼၼ်ႉ ၾိုၵ်းၸႂ်ႉပိူင်ၸွမ်းၸိုင်ႈၼႆႉ တၢမ်တူဝ်ၵူၼ်းမိူင်းလိူၵ်ႈတင်ႈဢဝ် ၸွမ်ၸိုင်ႈ ဢၼ်ပဵၼ်ၸိၵ်းၸွမ်ၸိုင်ႈမိူင်းၼၼ်ႉ ၵမ်းသိုဝ်ႈယဝ်ႉ။ ၵူၺ်းၵႃႈ တီႈၸိုင်ႈမိူင်း ဢၼ်ၸၢဝ်းၶိူဝ်းၼမ်လၢႆၶဝ် ယူႇ သၢင်ႈသဝ်းႁွမ်းၵၼ်သေ ၾိုၵ်းၸႂ်ႉပိူင်ပႃႇလီႇမၢၼ်ႇၼၼ်ႉသမ်ႉ ၾိုၵ်းၸႂ်ႉပိူင်ဢၼ်ၸွမ်ၸိုင်ႈလႄႈ ၸွမ်ၽွင်းလူင်ၶဝ်ၽႄ မႅင်ႇၵၼ်ၸႂ်ႉတိုဝ်း ဢႃႇၼႃႇၾၢႆႇၽွင်းငမ်း ၸိူင်ႉၼၼ်ယဝ်ႉ။ တီႈၼႆႈသမ်ႉ တႅၼ်းၽွင်းၸိူဝ်ႉၸၢတ်ႈ(ႁိုဝ်) တႅၼ်ႈၽွင်းၼိူဝ်...