ၾၢႆႇၵူတ်ႇထတ်းၵူၼ်းၶဝ်ႈမိူင်း တီ့ၺွပ်းႁႅင်းၵၢၼ်ၽိတ်းမၢႆမီႈ တီႈၵဵင်းမႆႇ

ၸဝ်ႈၼႃႈတီႈ ၾၢႆႇၵူတ်ႇထတ်းၵူၼ်းၶဝ်ႈမိူင်း လူင်းပိုၼ့်တီႈၵူတ်ႇထတ်း တီ့ၺွပ်းလႆႈႁႅင်းၵၢၼ်လၵ့်လွမ် ၶဝ်ႈမိူင်း ဢမ်ႇမီးဝတ်းဝႂ်သေ လၵ့်လွမ်ႁဵတ်းၵၢၼ် တီႈၵဵင်းမႆႇ။ ဝၼ်းတီႈ 07/05/2019 ၸဝ်ႈၼႃႈတီႈၾၢႆႇၵူတ်ႇထတ်းၵူၼ်းၶဝ်ႈမိူင်း လူင်းပိုၼ့်တီႈၵူတ်ႇထတ်းသူၼ်လမ်းယႆး (သူၼ်မၢၵ်ႇၵၢႆးဢၢင်) ဝၢၼ်ႈထုင့်ၶဝ်ႈတွၵ်ႇ ဢိူင်ႇၼွင်ယႅင်ႇ ၸႄႈဝဵင်းဝဵင်းသၼ်သၢႆး  ၸႄႈတွၼ်ႈၵဵင်းမႆႇ ၸိုင်ႈထႆး။ တီ့ၺွပ်းလႆႈႁႅင်းၵၢၼ်ယၢၼ်မိူင်းၶဝ်ႈမိူင်းၽိတ်းမၢႆမီႈ  ဢမ်ႇမီးဝတ်းဝႂ်သင် 26 ၵေႃ့ ၽူႈၸၢႆး 11 ၵေႃ့...

ၸဝ်ႈၼႃႈတီႈ ၾၢႆႇၵူတ်ႇထတ်းၵူၼ်းၶဝ်ႈမိူင်းလႄႈ ၽူႈမီးပုၼ်ႈၽွၼ်းဝဵင်းၵဵင်းမႆႇ ၸိုင်ႈထႆး ႁူမ်ႈၵၼ်လူင်းၵူတ်ႇထတ်း ႁူင်းၵၢၼ်တီႈ ၼိုင်ႈသေ ထူပ်းႁၼ်ႁႅင်းၵၢၼ်ၽိတ်းမၢႆမီႈ 13 ၵေႃ့ တီ့ၺွပ်းသူင်ႇႁူင်းပလိၵ်ႈ။ ဝၼ်းတီႈ 04/05/2019 ၾၢႆႇၵူတ်ႇထတ်းၵူၼ်းၶဝ်ႈမိူင်း ၵူတ်ႇထတ်းႁူင်းၵၢၼ် ဢၼ်မီးတီႈဢိူင်ႇမႄႈၾႅၵ်ႇမႂ်ႇ ၸႄႈဝဵင်းသၼ်သၢႆး ၸႄႈတွၼ်ႈၵဵင်းမႆႇ ၊ ၵူတ်ႇထတ်းႁႅင်းၵၢၼ် 15 ၵေႃ့ ၊ ထူပ်းႁၼ် ႁႅင်းၵၢၼ်ဢမ်ႇမီးဝတ်းဝႂ်...