ၾၢႆႇၵူတ်ႇထတ်းၵူၼ်းၶဝ်ႈမိူင်း တီ့ၺွပ်းႁႅင်းၵၢၼ်ၽိတ်းမၢႆမီႈ တီႈၵဵင်းမႆႇ

ၸဝ်ႈၼႃႈတီႈ ၾၢႆႇၵူတ်ႇထတ်းၵူၼ်းၶဝ်ႈမိူင်းလႄႈ ၽူႈမီးပုၼ်ႈၽွၼ်းဝဵင်းၵဵင်းမႆႇ ၸိုင်ႈထႆး ႁူမ်ႈၵၼ်လူင်းၵူတ်ႇထတ်း ႁူင်းၵၢၼ်တီႈ ၼိုင်ႈသေ ထူပ်းႁၼ်ႁႅင်းၵၢၼ်ၽိတ်းမၢႆမီႈ 13 ၵေႃ့ တီ့ၺွပ်းသူင်ႇႁူင်းပလိၵ်ႈ။

ဝၼ်းတီႈ 04/05/2019 ၾၢႆႇၵူတ်ႇထတ်းၵူၼ်းၶဝ်ႈမိူင်း ၵူတ်ႇထတ်းႁူင်းၵၢၼ် ဢၼ်မီးတီႈဢိူင်ႇမႄႈၾႅၵ်ႇမႂ်ႇ ၸႄႈဝဵင်းသၼ်သၢႆး ၸႄႈတွၼ်ႈၵဵင်းမႆႇ ၊ ၵူတ်ႇထတ်းႁႅင်းၵၢၼ် 15 ၵေႃ့ ၊ ထူပ်းႁၼ် ႁႅင်းၵၢၼ်ဢမ်ႇမီးဝတ်းဝႂ် 13 ၵေႃ့ လႄႈ ၸၢႆးၶုၼ်မိူင်း ( ဝႂ်ၶႂၢင့်ႁဵတ်းၵၢၼ်မူတ်းဢႃယု) လိူဝ်ၼၼ့်တီ့ၺွပ်းပႃး ၼၢင်းမူဝ်ၸၼ် ၵၼ်ထမင်ႊ ၸဝ်ႈၶွင် ႁွင်ႈသဝ်း၊ ဢၼ်ႁပ့်ႁႅင်းၵၢၼ်ဢမ်ႇမီးဝတ်းဝႂ်ၶဝ်ႈယူႇသဝ်းၼၼ့် ဝႃႈၼႆ။

ၼၢင်းယိင်း ႁႅင်းၵၢၼ်ယၢၼ်မိူင်း ၼႂ်းၵဵင်းမႆႇ လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ- “ ၸၢတ်ႈပၢၼ်ပီႈၼွင့်ႁႅင်း ၵၢၼ်ႁဝ်းၶႃႈၼႆ့ ယၢပ်ႇၽိုတ်ႇၼႃႇၶႃႈ ယူႇမိူင်းႁဝ်းၵေႃႈတုၵ့်ၶ မႃးမိူင်းထႆးၵေႃႈတုၵ့်ၶ ၵမ့်ဝႃႈႁဵတ်းဝႂ်ဢၼ်ၼၼ့်ဝႃႇ ႁဵတ်းဝႂ်ဢၼ်ၼႆ့ဝႃႇ ပိၼ်ႇလႅၵ်ႈလၢႆႈ ယူႇတိၵ်းတိၵ်း ႁႃငိုၼ်းပေႃးဢမ်ႇတၼ်းယဝ့် ” ဝႃႈၼႆ။

မိူဝ်ႈဝၼ်းတီႈ 07/04/2019 ၼၼ့်ၵေႃႈ ၸဝ်ႈၼႃႈတီႈ ၾၢႆႇၵူတ်ႇထတ်းၵူၼ်းၶဝ်ႈမိူင်း ဝဵင်းၵဵင်းႁၢႆး ၸိုင်ႈထႆး လူင်းပိုၼ့်တီႈ ၵူတ်ႇထတ်းႁိူၼ်းလင်ၼိုင်ႈ ဢၼ်မီးၼႂ်းဢိူင်ႇပူင်ႇၽႃ ၸႄႈဝဵင်းမႄႈသၢႆ ၸႄႈတွၼ်ႈၵဵင်းႁၢႆး ၸိုင်ႈထႆး။ ထူပ်းႁၼ် ႁႅင်းၵၢၼ်ယၢၼ်မိူင်း 13 ၵေႃ့ လုၵ့်တီႈၵဵင်းတုင်သေ တေဢၢၼ်းၵႂႃႇႁဵတ်း ၵၢၼ်တၢင်း ၵဵင်းမႆႇလႄႈ မိူင်း ၵွၵ်ႇ။