ၾၢႆႇၵူတ်ႇထတ်းၵူၼ်းၶဝ်ႈမိူင်း တီ့ၺွပ်းႁႅင်းၵၢၼ်ၶဝ်ႈမိူင်းၽိတ်းမၢႆမီႈ တီႈၵဵင်းမႆႇ

ၸဝ်ႈၼႃႈတီႈ ၾၢႆႇၵူတ်ႇထတ်းၵူၼ်းၶဝ်ႈမိူင်း လူင်းပိုၼ့်တီႈၵူတ်ႇထတ်း တီ့ၺွပ်းလႆႈႁႅင်းၵၢၼ်လၵ့်လွမ် ၶဝ်ႈမိူင်း ဢမ်ႇမီးဝတ်းဝႂ်သေ လၵ့်လွမ်ႁဵတ်းၵၢၼ် တီႈၵဵင်းမႆႇ။

ဝၼ်းတီႈ 07/05/2019 ၸဝ်ႈၼႃႈတီႈၾၢႆႇၵူတ်ႇထတ်းၵူၼ်းၶဝ်ႈမိူင်း လူင်းပိုၼ့်တီႈၵူတ်ႇထတ်းသူၼ်လမ်းယႆး (သူၼ်မၢၵ်ႇၵၢႆးဢၢင်) ဝၢၼ်ႈထုင့်ၶဝ်ႈတွၵ်ႇ ဢိူင်ႇၼွင်ယႅင်ႇ ၸႄႈဝဵင်းဝဵင်းသၼ်သၢႆး  ၸႄႈတွၼ်ႈၵဵင်းမႆႇ ၸိုင်ႈထႆး။ တီ့ၺွပ်းလႆႈႁႅင်းၵၢၼ်ယၢၼ်မိူင်းၶဝ်ႈမိူင်းၽိတ်းမၢႆမီႈ  ဢမ်ႇမီးဝတ်းဝႂ်သင် 26 ၵေႃ့ ၽူႈၸၢႆး 11 ၵေႃ့ ၽူႈယိင်း 15 ၵေႃ့။

ႁႅင်းၵၢၼ်ယၢၼ်မိူင်း လၢတ်ႈတီႈၸဝ်ႈၼႃႈတီႈပလိၵ်ႈဝႃႈ – “ မီးၼၢႆးၼႃႈ (ၵူၼ်းႁဵတ်းၶဵဝ်) ႁပ့်ဢဝ်တီႈမႄႈသၢႆလႅၼ် လိၼ်တႆး – ထႆးသေ ႁပ့်ဢဝ်မႃးဝႆ့တီႈသူၼ်မၢၵ်ႇလမ်းယႆး ဝၢၼ်ႈထုင့်ၶဝ်ႈတႅၵ်ႇ ဢိူင်ႇၼွင်ယႅင်ႇ  သိုပ်ႇ ၼၼ့်တေဢဝ် သိုပ်ႇသူင်ႇၵႂႃႇတၢင်းမိူင်းၵွၵ်ႇ ” ဝႃႈၼႆ။

ယၢမ်းလဵဝ် ယူႇတီႈလူင်ပွင်ၸိုင်ႈမိူင်းထႆး ႁွင်ႈၵၢၼ်ၾၢႆႇႁႅင်းၵၢၼ်တႄ့ ယင်းပႆႇမီးလွင်ႈပိုၼ်ၽၢဝ်ႇဝႃႈ တေႁဵတ်းဝတ်းဝႂ်ပၼ်ႁႅင်းၵၢၼ်ထႅင်ႈ။

ပီႈထွင်းၶမ်း တီႈတိူင်ႇပၢင်ႇလႄႈ သူၼ်းတုမ်ပီႈၼွင်ႉႁႅင်းၵၢၼ် လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ- “ ဢၼ်ၸဝ်ႈၼႃႈတီႈၶဝ် ၶဝ်ႈၵူတ်ႇထတ်းယူႇၶိူဝ်းယႂ်းမိူဝ်ႈလဵဝ်ၼႆ့ တေမီးလွင်ႈတၢင်းမၼ်းယူႇလၢႆလွင်ႈ မိူၼ်ၼင်ႇ ပဵၼ်ၽွင်းဝၢႆးလင်ပၢင်လိူၵ်ႈတင်ႈၵေႃႈပိူင်ၼိုင်ႈ၊ ထႅင်ႈဢမ်ႇထိုင်ပီ ဢႃယုဝတ်းဝႂ် ၵေႃႈၸမ်မူတ်း ၵေႃႈပိူင်ၼိုင်ႈ ၾၢႆႇၼိုင်ႈၵေႃႈမီးၵူၼ်းၸႅင်ႈၸိူဝ်းၼႆ့ဢေႃႈ   ” ဝႃႈၼႆ။

မိူဝ်ႈဝၼ်းတီႈ 04/05/2019 ၼၼ့်ၵေႃႈ ၾၢႆႇၵူတ်ႇထတ်းၵူၼ်းၶဝ်ႈမိူင်း ၵူတ်ႇထတ်းႁူင်းၵၢၼ် ဢၼ်မီးတီႈ ဢိူင်ႇမႄႈၾႅၵ်ႇမႂ်ႇ ၸႄႈဝဵင်းသၼ်သၢႆး ၸႄႈတွၼ်ႈၵဵင်းမႆႇ ၊ ၵူတ်ႇထတ်းႁႅင်းၵၢၼ် 15 ၵေႃ့ ၊ ထူပ်းႁၼ် ႁႅင်းၵၢၼ် ဢမ်ႇမီးဝတ်းဝႂ် 13 ၵေႃ့ လႄႈ ၸၢႆးၶုၼ်မိူင်း ( ဝႂ်ၶႂၢင့်ႁဵတ်းၵၢၼ်မူတ်းဢႃယု) လိူဝ်ၼၼ့်တီ့ၺွပ်းပႃး ၼၢင်းမူဝ်ၸၼ် ၵၼ်ထမင်ႊ ၸဝ်ႈၶွင် ႁွင်ႈသဝ်း၊ ဢၼ်ႁပ့်ႁႅင်းၵၢၼ်ဢမ်ႇမီးဝတ်းဝႂ်ၶဝ်ႈယူႇသဝ်းၼၼ့် ဝႃႈၼႆ။